Шығыс Қазақстан облыстық ЖИТС-тің алдын алу және онымен күрес орталығының мамандары клиникалық трансфузиологияның өзекті мәселелеріне арналған облыстық конференцияға қатысты.

Іс-шарада «АИТВ инфекциясы: эпидемиологиялық жағдай және алдын алу шаралары» тақырыбында баяндама жасаған эпидемиолог-дәрігер Татьяна Михайловна Башкирцева аймақтағы АИТВ жұқпасының таралуы туралы өзекті мәліметтерді ұсынды. Ол дер кезінде диагностика жүргізу, алдын алу шаралары мен ұжымдар арасындағы ынтымақтастықтың маңыздылығын атап өтті.

Глубокое аудандық ауруханасында АИТВ-инфекциясының алдын алу және емдеу мәселелеріне арналған семинар өтті. Іс-шараға ЖИТС орталығының мамандары, ауданның медицина қызметкерлері қатысты.

Инфекционист-дәрігері Елена Анатольевна Маркус АИТВ-ны емдеудің заманауи әдістері туралы айтып, клиникалық жағдайларды өз тәжірибесінен ұсынды және пациенттермен жұмыс кезінде дәрігерлердің сергек болуының маңыздылығын атап өтті.

Дәрігер-эпидемиолог Татьяна Михайловна Башкирцева АИТВ-ның таралуы туралы статистиканы атап өтті және аурумен байланысты қауіп факторлары туралы айтты.

Степное ауылында жоғары сынып оқушыларына АИТВ инфекциясының алдын алу тақырыбында дәріс өткізілді. Іс-шараны ШҚО ЖИТС орталығының мамандары ұйымдастырды.

Дәріс ойын түрінде өтті, бұл күрделі тақырыпты оқушылар үшін қолжетімді әрі қызықты етті. Оқушылар белсенді қатысып, сұрақтар қойып, алдын алу шараларын талқылады. Сонымен қатар, оларға денсаулыққа саналы көзқарастың маңыздылығын көрсететін бейнеролик көрсетілді.

Мұндай іс-шаралар жастардың АИТВ туралы хабардарлығын арттырып, жауапты мінез-құлық қалыптастыруға ықпал етеді.

13 желтоқсанда, ЖИТС Орталығында Қазақстан Тәуелсіздік күніне арналған салтанатты жиын өтті. Іс-шара мекеме қызметкерлерін патриотизм мен ел тарихына құрмет сезімінде біріктірді.

Жиын барысында қатысушылар Қазақстанның тәуелсіздік жылдарындағы жетістіктеріне арналған бейнеролик тамашалады. Бейнеролик әр азамат үшін еркіндік пен егемендіктің маңыздылығын қайта еске салды.

Іс-шараның ерекше бөлігі орталықтың үздік қызметкерлерін марапаттау болды. Бұл символикалық қадам олардың денсаулық сақтау саласындағы еңбегін және қоғам өмірін жақсартуға қосқан үлесін атап өтті.

Өскемен қаласының № 1 алғашқы медициналық-санитарлық көмек орталығында инфекциялық қауіпсіздік саласындағы мамандардың біліктілігін арттыру мақсатында ұйымдастырылған медицина қызметкерлеріне арналған семинар өтті.

Іс-шараны Шығыс Қазақстан облысы ЖИТС орталығының эпидемиологиялық бөлімінің меңгерушісі Кениспекова Сәуле Кениспековна өткізді. Ол АИТВ-ның алдын алудың заманауи әдістеріне, инфекциялық тәуекелдерді анықтау және бақылау алгоритмдеріне назар аударды.

Өскемен қаласындағы көпсалалы технологиялық колледжде АИТВ-ның алдын алу туралы танымдық дәріс өтті. Іс-шараны ЖИТС орталығының мамандары ұйымдастырып, студенттерге аурудың таралу жолдары, қорғану әдістері және уақытылы тест тапсырудың маңыздылығы жайлы баяндады.

Дәріс барысында жастар өздерін қызықтырған сұрақтарын қойды. Сонымен қатар, АИТВ-мен өмір сүретін адамдарға құрметпен қараудың маңыздылығы ерекше атап өтілді.

Осындай шаралар жастардың денсаулығын сақтауға көмектесіп, оларды жауапты әрі ақпараттанған болашақ қалыптастыруға жетелейді.

Саратовка ауылындағы көпсалалы колледжде АИТВ-ның алдын алу тақырыбында танымдық дәріс ұйымдастырылды. Іс-шараны Шығыс Қазақстан облыстық ЖИТС орталығының маманы Турарова Юлия өткізді.

Дәрісте АИТВ жұғу жолдары, алдын алу шаралары және ауру туралы жиі кездесетін қате түсініктер талқыланды. Қатысушыларға ақпаратты жеңіл қабылдау үшін арнайы бейнеролик көрсетілді. Сонымен қатар, студенттер өздерін мазалаған сұрақтарды қойып, толық жауап алды.

27-мектептің 9-10 сынып оқушылары үшін АИТВ-ның алдын алу бойынша дәріс ұйымдастырылды. Іс-шараны Шығыс Қазақстан облыстық ЖИТС орталығы өткізді.

Дәрісте мамандар АИТВ жұғу жолдары, алдын алу шаралары және ауру туралы кең таралған мифтерді талқылады. Оқушылар өз денсаулығына жауапкершілікпен қараудың маңыздылығын және АИТВ-мен өмір сүретін адамдарға толеранттылық таныту керектігін түсінді. Іс-шара жастардың ақпараттану деңгейін арттырып, саналы өмір салтын қалыптастыруға ықпал етті.

Өскемен стоматологиялық колледжінде АИТВ-ның алдын алу, диагностикасы және денсаулықты сақтау маңыздылығы туралы дәріс өтті. Іс-шараны ШҚО ЖИТС орталығы мен “Answer” ҮЕҰ бірлесіп ұйымдастырды.

Студенттер тақырыпқа үлкен қызығушылық танытып, белсенді сұрақтар қойып, викторинаға қатысты. Әсіресе экспресс-тестілеудің практикалық маңызы ерекше назар аудартты. Көптеген қатысушылар өз АИТВ мәртебесін сол жерде тексеруге ниет білдірді.

Мұндай шаралар жастардың хабардарлығын арттырып, денсаулыққа саналы көзқарас қалыптастыруға және АИТВ-ға қатысты мифтерді жоюға ықпал етеді.

Орта буын медицина қызметкерлерінің біліктілігін арттыру курстары аясында АИТВ алдын алу тақырыбында дәріс өтті. Дәрісті Шығыс Қазақстан облыстық ЖИТС-тің алдын алу және күрес жөніндегі орталығының дәрігері Башкирцева Татьяна Михайловна оқыды.