Шығыс Қазақстан облысы Риддер қаласының мектептерінде АИТВ инфекциясының алдын алу апталығы аясында ЖИТС-тың алдын алу және оған қарсы күрес орталығының дәрігерлері арнайы дәрістер өткізді. Шараның басты мақсаты — жасөспірімдердің вирус жұғу жолдары, одан қорғану шаралары мен өз денсаулығына жауапкершілікпен қараудың маңыздылығы туралы білімін арттыру.
8–11 сәуір аралығында ШҚО ЖИТС алдын алу және онымен күресү орталығының эпидемиолог-дәрігері Жанна Асенова жедел жәрдемнің медицина қызметкерлеріне арналған бірқатар оқыту семинарларын өткізді.
Кездесу барысында АИТВ инфекциясына қатысты маңызды мәселелер, жеке қауіпсіздік шаралары және биологиялық сұйықтықтармен байланыста стандарттарды сақтау маңыздылығы талқыланды.
Семинарға сондай-ақ Zoom платформасы арқылы облыс аудандарындағы жедел жәрдем қызметкерлері де онлайн қосылып, бұл медицина қызметкерлерінің хабардарлығын арттыруға және кең ауқымды қамтуға мүмкіндік берді.
ЖИТС орталығында негізгі топтар өкілдерімен жұмыстың сапасын арттыру және медицина мамандарымен, IT-бөліммен өзара әрекеттестікті нығайту мақсатында аутрич қызметкерлеріне арналған оқыту семинары өтті.
Семинар барысында АИТВ тестілеуін дұрыс жүргізу, клиенттерді Достық кабинетіне доконтактіні профилактика алу үшін жолдаудың ерекшеліктері жан-жақты талқыланды. Дәрігер-дерматовенеролог мазмұнды баяндама жасап, адамдарды ДКП қабылдауға ынталандырудың маңыздылығын, профилактиканың артықшылықтарын және бұл үдерісте аутрич қызметкерлерінің рөлін түсіндіріп берді.
Шығыс Қазақстан облыстық ЖИТС-тың алдын алу және оған қарсы күрес орталығының мамандары Алтай қаласындағы көпсалалы ауруханада мониторинг жүргізіп, әдістемелік көмек көрсетті. Іс-шараның негізгі мақсаты — медицина қызметкерлерінің АИТВ инфекциясы бойынша білім деңгейін арттыру.
Сапар барысында стационар мен босану бөлімінің қызметкерлеріне арналған семинар өткізілді. Қатысушыларға өңірдегі АИТВ бойынша эпидемиологиялық жағдай, жаңа клиникалық хаттамалар, алдын алу және пациенттерді бағыттау мәселелері түсіндірілді.
Өскемен қаласында негізгі топтар арасында АИТВ бойынша мінез-құлықтық эпиднадзорлық зерттеу басталды. Жұмыс 2025 жылдың сәуірінен маусым айына дейін жүргізіледі.
Топтың құрамында эпидемиологтар, кеңесшілер және медбикелер бар, олар Айдарқыз А. жетекшілігімен жұмыс істейді. Зерттеу 100 респондент арасында құрғақ қан тамшысы әдісі мен экспресс-тесті арқылы жүргізіледі.
Алтай қаласындағы №6 орта мектепте ШҚО ЖИТС-тің алдын алу және оған қарсы күрес орталығының мамандары оқушылармен кездесу өткізді. Шара барысында оқушыларға АИТВ жұғу жолдары, алдын алу шаралары және ерте тестілеудің маңыздылығы түсіндірілді.
Алтай жоғары колледжінде 1–2 курс студенттеріне АИТВ-дің алдын алу тақырыбында дәріс өтті. Дәрісті облыстық ЖИТС орталығының дәрігер-эпидемиологы Аяжан Амирова жүргізді.
Маман вирус жұғу жолдары, қорғану тәсілдері және тестілеудің маңыздылығы туралы айтып берді. Іс-шара жастардың ақпараттануын арттырып, өз денсаулығына жауапкершілікпен қарауға үндейді.
“Алтай” телеарнасында АИТВ-дің алдын алу туралы сюжет көрсетіледі. Сюжет барысында дәрігер-эпидемиолог Аяулым Әукенова өңірдегі эпидемиологиялық жағдай туралы айтып, халықтың тестілеуден тұрақты өтіп тұруы мен ақпараттануының маңыздылығын атап өтті.
Маманның айтуынша, дер кезінде анықталған инфекцияны ерте кезеңде емдеп, аурудың асқынуының алдын алуға болады. Дәрігер АИТВ-ға тестті анонимді түрде және тегін өтуге болатынын еске салды.
ЖИТС орталығының дәрігерлері Серебрянск қаласындағы М.В. Инюшин атындағы №1 орта мектебінде АИТВ-ның алдын алу бойынша дәріс өткізді.
Оқушыларға вирустың жұғу жолдары, сақтану шаралары және дер кезінде тестілеуден өту маңыздылығы түсіндірілді.
ЖИТС-пен күрес және алдын алу орталығының мамандары Серебрянск қалалық ауруханасына мониторингтік сапар жасады. Сапардың басты мақсаты – АИТВ-инфекциясының алдын алу және емдеу мәселелері бойынша жағдайды зерделеу, сондай-ақ медицина қызметкерлеріне әдістемелік көмек көрсету болды.