21 қарашада Дүниежүзілік ЖИТС-пен күрес күніне арналған "Дұрыс жолды – адам құқығы жолын таңдаңыз" тақырыбымен баспасөз мәслихаты өтті. Іс шарада ЖИТС ШҚ ОО сарапшылары сөз сөйледі: 
    * Сәуле Кениспекова, эпидемиологиялық бөлімше меңгерушісі;
    * Галина Волкова, инфекционист-дәрігері;
    * Аяулым Әукенова, профилактикалық бөлім меңгерушісінің м.а.

Сарапшылар облыстағы қазіргі эпидемиологиялық жағдай туралы айтып, негізгі мәселелер мен жетістіктерге назар аударды. Мамандардың айтуынша, АИТВ-инфекциясының жаңа жағдайларын анықтау динамикасы бақылауда.

«Өскемен көпсалалы колледжінде» Дүниежүзілік ЖИТС-пен күрес күніне арналған арнайы дәріс өтті. Іс-шараны Шығыс Қазақстан облыстық ЖИТС-тің алдын алу және оған қарсы күрес орталығының мамандары ұйымдастырды.

«Адам құқықтары жолында - дұрыс жолды таңдаңыз!» тақырыбы аясында студенттерге АИТВ-ның алдын алу шаралары туралы кеңінен ақпарат берілді. Мамандар жастарға өз денсаулығына жауапкершілікпен қараудың, сондай-ақ адам құқықтарын құрметтеудің маңыздылығын ерекше атап өтті.

ШҚО ЖИТС орталығының мамандары ШҚО «Гематология орталығы» ЖШС қызметкерлеріне арналған практикалық семинар ұйымдастырды.

Семинар барысында АИТВ инфекциясының алдын алу, диагностикасы мен емі бойынша өзекті мәселелер талқыланды. Қатысушылар өңірдегі эпидемиологиялық жағдай туралы жаңартылған мәліметтер мен тәжірибелік ұсыныстар алды.

Семинардың мақсаты – медицина қызметкерлерінің біліктілігін арттыру және АИТВ-мен күресте қызметтер арасындағы өзара әрекетті жақсарту.

Қазақстан Республикасы ІІМ Қылмыстық-атқару жүйесі Комитетінің №24 мекемесінде Дүниежүзілік ЖИТС-пен күрес күніне арналған дәріс өтті.

Іс-шара АИТВ таралу, алдын алу шаралары және тұрақты тестілеу қажеттілігі туралы хабардарлығын арттыру мақсатында ұйымдастырылды. Дәрісті дәрігер-эпидемиолог Аукенова Аяулым Еркінқызы өткізді, ол инфекция қаупі, қорғау әдістері және АИТВ-ны уақтылы анықтаудың маңыздылығы туралы айтып берді.

АИТВ-инфекциясының алдын алу және оған қарсы күрес жөніндегі іс-шаралар аясында  Шығыс Қазақстан облыстық ЖИТС-тің алдын алу және оған қарсы күрес орталығының мамандары Ақжар ауылында орналасқан Тарбағатай аудандық ауруханасына жоспарлы мониторингтік сапар өткізді.

Сапар барысында мамандар профилактикалық және диагностикалық жұмыстарды ұйымдастыру деңгейін бағалау үшін дәрігерлер кабинеттеріне, процедуралық кабинеттерге және зертханаларға барды. АИТВ-инфекциясына тестілеу жүргізу және медициналық қызмет көрсету сапасын арттыру мәселелеріне ерекше назар аударылды.

Іс-сапар барысында медициналық қызметкерлерге АИТВ инфекциясының алдын алу, диагностика және емдеу бойынша кеңестер берілді. Мамандар қазіргі заманғы тестілеу әдістерін, антиретровирустық терапияның қолжетімділігін қамтамасыз ету және АИТВ-мен өмір сүретін адамдарға медициналық қызмет көрсету сапасын жақсарту мәселелерін талқылады.