22 мамырда Өскемен қаласындағы «Защита теміржол ауруханасы» ЖШС базасында медицина қызметкерлеріне арналған оқыту семинары өтті. Іс-шараны ШҚО ЖИТС-тің алдын алу және оған қарсы күрес жөніндегі облыстық орталығы ұйымдастырды. Семинардың мақсаты — медицина мамандарының АИТВ-инфекцияның алдын алу, эпидемиологиялық қадағалау және негізгі топтармен жұмыс істеу саласындағы құзыреттерін арттыру.
Бүгін Қ.Қайсенов ауылындағы дәрігерлік амбулаторияда ЖИТС орталығы мамандарының көшпелі мониторингі өтті. Іс-шара аясында медицина қызметкерлеріне кеңес беріліп, АИТВ/ЖИТС-тің алдын алу және емдеу бойынша өзекті ақпарат түсіндірілді, сондай-ақ АИТВ жұқтырған науқастармен жұмыс жүргізу тәртібі тексерілді.
Мұндай кездесулер медициналық көмектің сапасын арттыруға және мекемелер арасындағы өзара байланысты нығайтуға ықпал етеді.
Денсаулыққа қамқорлық – ақпараттылықтан басталады!
Шығыс Қазақстан облысы, Ұлан ауданы бойынша білім бөлімінің «Р.Мәрсеков атындағы орта мектебінде» 10-сынып оқушыларына арналған маңызды іс-шара өтті. АИТВ туралы ағартушылық лекцияны ШҚО ЖИТС орталығының тәжірибелі дәрігері өткізді.
Лекцияның басты мақсаты — жасөспірімдерге АИТВ инфекциясы туралы шынайы, ғылыми негізделген ақпарат беру, аурудың жұғу жолдары мен алдын алу шараларын түсіндіру болды.
Республикалық репродуктивті денсаулық апталығы аясында «Jastar Oskemen» комьюнити-орталығында ШҚО-дағы жастар ұйымдарының көшбасшылары мен медицина және психология саласындағы мамандар бас қосты.
Кездесудің басты тақырыбы — жастардың репродуктивті денсаулығы және жыныстық жолмен берілетін инфекциялардың, соның ішінде АИТВ-ның алдын алу. Іс-шара ашық диалог форматында өтті, әр қатысушы өз сұрағын қойып, мамандардан кәсіби кеңес алды.
Медициналық колледжде орта және кіші медицина қызметкерлеріне арналған біліктілікті арттыру курстары өтті. Оқытуды инфекциялық қауіпсіздік саласында үлкен тәжірибесі бар ЖИТС-пен күрес және алдын алу орталығының эпидемиолог-дәрігері Башкирцева Татьяна Михайловна жүргізді.
16 мамыр күні Өскемен қаласында, Ертіс жағалауында АИТВ/ЖИТС-тен қайтыс болғандарды еске алуға арналған акция өтті.
Бұл кеште біз шам жағып, өмірден өткен жандарды еске алдық.
Аспанға шар ұшырып, үміт пен өмірдің символын жеткіздік.
АИТВ-ға жедел және анонимді тест тапсырып,
дәрігерлерден ақпарат пен кеңес алдық.
Қатысқан әр адамға алғысымыз шексіз.
Бейжай қалмағаныңыз үшін.
Білімді, саналы өмірді таңдағаныңыз үшін.
АИТВ — үкім емес.
Естелік — бұл күш.
Білім — бұл қорған.
Республикалық репродуктивті денсаулық апталығы аясында 16 мамырда Өскеменде АИТВ-ға тегін және құпия жедел тестілеу бойынша ауқымды акция өтті. Іс-шара бірқатар қалалық медициналық мекемелерде, соның ішінде емханалар мен диагностикалық орталықтарда өтті.
ЖИТС-тен қайтыс болған адамдарды еске алу күні қарсаңында Шығыс Қазақстан облыстық ЖИТС-тің алдын алу және оған қарсы күрес орталығында баспасөз конференциясы өтті. Журналистермен кездесудің негізгі тақырыбы аймақтағы АИТВ-инфекциясының жаңа жағдайларының азаюы болды. 2025 жылдың бірінші тоқсанында 64 жаңа жағдай тіркелді, бұл өткен жылдың сәйкес кезеңімен салыстырғанда 27%-ға аз.
Шығыс Қазақстан облыстық ЖИТС алдын алу және оған қарсы күрес орталығының мамандары кезекті мониторингтік іссапармен Белоусовка кентіндегі дәрігерлік амбулаторияда болды. Сапардың негізгі мақсаты – медицина қызметкерлеріне АИТВ жұқпасы бойынша консультативтік-әдістемелік көмек көрсету.
Мониторинг барысында мамандар амбулаторияда АИТВ жұқпасын анықтау, тіркеуге алу және бақылауда ұстау бойынша жүргізіліп жатқан жұмыстарды қарап, медициналық құжаттамалармен танысты. Дәрігерлер мен мейірбикелерге клиникалық хаттамалар мен заманауи емдеу стандарттарына сай түсіндірме берілді.
2025 жылғы 12–16 мамыр аралығында Қазақстан Республикасында Репродуктивті денсаулық апталығы өтуде. Бұл апталықтың мақсаты – халықтың репродуктивті денсаулығын сақтау, отбасын жоспарлау, сондай-ақ жыныстық жолмен берілетін инфекциялар мен АИТВ-ның алдын алу бойынша ақпараттық-ағартушылық жұмысты күшейту.
Аталған апталық аясында 16 мамыр күні Өскемен қаласындағы Шығыс Қазақстан облыстық ЖИТС-тің алдын алу және оған қарсы күрес орталығында (Буров көшесі, 21/1) Ашық есік күні өтеді.