Шығыс Қазақстан облысының ЖИТС алдын алу және күрес жөніндегі орталығының қызметкерлері «Ұлттық диктант» акциясына қатысты.

2025 жылдың 29 қазанында Өскемен қаласында жалпыұлттық «Ұлттық диктант» акциясы өтті. Іс-шара Ахмет Байтұрсынұлының туған күнімен және Қазақстан халқының тілдері күні мерекесімен тұспа-тұс келіп, мемлекеттік тілдің мәртебесін арттыруға бағытталды.

«Ұлттық диктант» жобасының басты мақсаты – халықтың жазу сауаттылығын арттыру, мемлекеттік тілдің қолдану аясын кеңейту және тіл мәдениетін нығайту болып табылады.

Шығыс Қазақстан облыстық ЖИТС алдын алу және оған қарсы күрес орталығында аутрич-қызметкерлерге арналған семинар өтті. Іс-шараның тақырыбы - «Шақырулардан - өзгерістерге: АИТВ-ға қарсы жауаптағы жаңа қадамдар».

Семинар барысында қатысушылар АИТВ індетінің алдын алу, қауіпті мінез-құлықтың алдын алу, қоғамда стигма мен кемсітушілікті азайту жолдары туралы өзара пікір алмасты. Сондай-ақ аутрич-қызметкерлер тәжірибе бөлісіп, тиімді ақпараттық жұмыстар жүргізудің жаңа тәсілдерін талқылады.

ШҚО ЖИТС-тің алдын алу және оған қарсы күрес орталығында Республика күніне арналған мерекелік жиын өтті.                                                                        

Іс-шара барысында еліміздің тәуелсіздігі мен бірлігінің маңызы атап өтілді.                                                                                                                                            

«Ваш доктор» клиникасында ШҚО ЖИТС-тің алдын алу және оған қарсы күрес орталығы медициналық қызметкерлерге арналған оқу семинарын өткізді.

Кездесудің мақсаты – медицина қызметкерлерінің АИТВ-инфекциясының алдын алу, диагностикалау және ерте анықтау бойынша білімін арттыру.

Семинар барысында өңірдегі АИТВ бойынша эпидемиологиялық жағдай қарастырылып, клиникалық және эпидемиологиялық көрсеткіштер бойынша тексеру тәртібі түсіндірілді.

«Евромед» клиникасында ШҚО ЖИТС-тің алдын алу және оған қарсы күрес орталығы медициналық қызметкерлерге арналған оқу семинарын өткізді.

Кездесудің мақсаты - мамандардың АИТВ-инфекциясының алдын алу мен диагностикалаудың заманауи тәсілдері туралы хабардарлығын арттыру.

Эпидемиолог-дәрігер Г.К. Нұрпейсова 2025 жылдың 1 қазанына дейінгі облыстағы АИТВ бойынша эпидемиологиялық жағдайға шолу жасап, қатысушыларды АИТВ-ның алдын алу жөніндегі нормативтік құжаттармен таныстырды.

Өскемен технология және сервис колледжінде ШҚО ЖИТС орталығы мен №2 емхананың жастар орталығы бірлесіп дәріс өткізді.

Мамандар студенттерге АИТВ инфекциясының жұғу жолдары мен оның алдын алу шаралары туралы айтып, кең таралған қате түсініктерді жоққа шығарды.

Кездесу барысында қатысушыларға ақпараттық буклеттер таратылып, бейнеролик пен презентация көрсетілді. Шараның мақсаты – жастардың АИТВ мәселесі жөніндегі білімін арттыру және салауатты өмір салтын насихаттау.

Ана мен бала орталығының педиатриялық блогында Шығыс Қазақстан облыстық ЖИТС орталығының эпидемиолог-дәрігері Гулнар Қабдуллаевна қатысумен семинар өтті.

Кездесу барысында АИТВ жұқтырған аналардан туған балаларды бақылау мәселелері қарастырылып, экспресс-тестілеу үдерісінің көрсетілімі өткізілді.

Маман ерте диагностиканың және мекемелер арасындағы өзара ынтымақтастықтың ана мен баланың денсаулығын қорғаудағы маңыздылығын атап өтті.

Шығыс Қазақстан облыстық ЖИТС орталығының дәрігері Айгерім Қайратқызы ШҚО мәслихатында ақпараттық дәріс өткізді.

Кездесуде АИТВ инфекциясының алдын алу, жұғу жолдары және халықты ақпараттандырудың маңызы талқыланды.

Қатысушылар тақырып бойынша сұрақтар қойып, толыққанды жауап алды.

Шығыс Қазақстан облыстық ЖИТС орталығының мамандары Үлкен Нарын аудандық орталық ауруханасында семинар өткізіп, медициналық қызметкерлермен кездесті.

Басты мақсат – АИТВ инфекциясының алдын алу және ерте анықтау бойынша мамандардың білімін жетілдіру. Кездесу барысында профилактикалық жұмыстың өзектілігі талқыланды.                                                                                                                                                                                                               

Шығыс Қазақстан облыстық ЖИТС-тың алдын алу және оған қарсы күрес орталығының мамандары Катонқарағай аудандық орталық ауруханасында семинар өткізіп, медициналық қызметкерлердің жұмысына мониторинг жүргізді.

Іс-шараның мақсаты – АИТВ инфекциясының алдын алу бойынша медициналық қызметкерлердің білімін арттыру, заманауи диагностика мен емдеу тәсілдерін түсіндіру.

Семинар барысында дәрігерлерге эпидемиологиялық қауіпсіздік шаралары, АИТВ жұқтыру қаупі жоғары топтармен жұмыс істеу әдістері және пациенттерге психологиялық қолдау көрсету жолдары түсіндірілді.