Өскемен қаласындағы №4 қалалық аурухананың медицина қызметкерлері үшін АИТВ инфекциясының алдын алу тақырыбында арнайы семинар өтті. Іс-шараны Шығыс Қазақстан облыстық ЖИТС-тің алдын алу және оған қарсы күрес орталығы ұйымдастырды.

Семинардың мақсаты – медицина қызметкерлерінің АИТВ туралы білім деңгейін арттырып, күнделікті тәжірибеде жұқтыру қаупін төмендету жолдарын талқылау. Орталықтың мамандары АИТВ-ның таралу жолдары, қорғану шаралары және стигма мен дискриминацияны азайту жөніндегі ақпараттармен бөлісті.

Аутрич қызметкерлеріне арналған ДКП мен АИТВ-ға өзін-өзі тестілеу бойынша оқыту семинары өтті. Семинар барысында ДКП-ны қолдану, тестілеу әдістері және болашақтағы жұмыс жоспарлары талқыланды. Қатысушылар тәжірибе алмасып, өзекті мәселелерді талқылады. Бұл кездесу қауымдастықпен жұмыс сапасын арттыруға септігін тигізеді.

АИТВ-инфекциясына қарсы күрестегі ең маңызды бағыттардың бірі — клиникалық белгілерге назар аударып, ауруды ерте анықтау және дер кезінде арнайы ем тағайындау. Бұл бағыттағы тиімді жұмыс ЖИТС-тың алдын алу және оған қарсы күрес орталығы мен бастапқы медициналық-санитариялық көмек (БМСК) ұйымдарыны жүзге асырды.

Қазақстан Республикасы Денсаулық сақтау министрлігінің №211 бұйрығы және ШҚО Денсаулық сақтау басқармасының бұйрығы аясында мониторингтік топтар мен ЖИТС орталығының клиницист дәрігерлерінің жергілікті жерлерде жүйелі жұмысы жалғасуда.

1 маусым – Халықаралық балаларды қорғау күні қарсаңында облыстық ЖИТС-тің алдын алу және оған қарсы күрес орталығының қызметкерлері арнайы балалар үйінің тәрбиеленушілерін мерекемен құттықтады.

Орталық қызметкерлері бүлдіршіндерге сыйлықтар мен түрлі-түсті шарлар табыстап, қуаныш сыйлады. Балалардың жүзіндегі күлкі мен қуаныш бұл күнді ерекше етті.

Ғимаратта жоспарлы жөндеу жұмыстары жүргізілгеніне байланысты, 7 мамыр – Отан қорғаушылар күнімен әріптестерімізді сәл кешігіп құттықтадық.

Біздің ұжымда 6 ер азамат жұмыс істейді – әрқайсысы өз ісінің шебері, жауапты да сенімді маман.
Сіздерге кәсіби табыс, зор денсаулық, отбасы амандығы мен рухани қуат тілейміз!

Ұжымда сіздерге әрдайым сенім артамыз, еңбектеріңіз елеулі.
Мерекелеріңізбен, құрметті әріптестер!

Құрметпен,
Орталықтың ұжымы

ШҚО ЖИТС-тің алдын алу және оған қарсы күрес орталығының мамандары “СВА МСЧ-2” мекемесінде мониторинг жүргізіп, оқыту семинарын өткізді.

Медициналық қызметкерлер білімдерін арттырып, тәжірибе алмасты және алдағы жұмысына қажет пайдалы материалдар алды.

Мұндай бірлескен жұмыс денсаулық сақтау жүйесін нығайтуға және халықтың хабардарлығын арттыруға ықпал етеді.

ҚР ІІМ-нің «73-мекеме» республикалық мемлекеттік мекемесінде сотталғандар арасында АИТВ-ның алдын алу, стигма мен кемсітушілікпен күрес тақырыптарында ақпараттық дәріс өткізілді.

Дәрісті эпидемиолог дәрігер Аяулым Аукенова жүргізді. Ол АИТВ жұғу жолдары, қорғану әдістері туралы айтып, АИТВ-мен өмір сүретін адамдарға қатысты қоғамда қалыптасқан жалған түсініктер мен стереотиптерді жоққа шығарды.

Негізгі мақсат – сотталғандар арасында ақпараттандыру деңгейін арттыру және АИТВ жұқтырған адамдарға деген толерантты көзқарасты қалыптастыру.

Қазақстанның елордасында, Астанада облыстық орталықтардың дәрігерлеріне ЖИТС-тің алдын алу және оған қарсы күрес бойынша тренинг басталды. Іс-шараның негізгі тақырыбы АИТВ-инфекциясының озық сатысы бар пациенттерді басқару болды, бұл еліміздің денсаулық сақтау жүйесіндегі ең өзекті міндеттердің бірі болып қала береді.

Іс-шараға орталықтың бас дәрігері, заңгер және алдын алу бөлімінің өкілдері қатысты. Семинардың мақсаты – 2025 жылдың бірінші тоқсанындағы жұмысты қорытындылап, алдағы кезеңге басымдықтарды белгілеу.

Кездесу барысында нәтижелер мен аутрич-қызметкерлердің кездесетін қиындықтары талқыланды. Олардың АИТВ алдын алудағы, стигманы төмендетудегі және негізгі топтармен жұмыс жасаудағы маңызды рөлі атап өтілді.