Сабақтың қонағы – Аукенова Аяулым, ШҚО СПИД орталығының профилактикалық бөлімінің жетекшісі болды. Ол «сұрақ–жауап» форматында:
 • АИТВ мен ЖИТС дегеніміз не,
 • инфекцияның берілу жолдары,
 • қоғамдағы кең тараған мифтер,
 • өңірдегі эпидемиологиялық жағдай туралы айтып өтті.

Мұндай кездесулер жастарға шынайы ақпарат алуға, қате түсініктерді жоюға және алдын алудың маңыздылығын түсінуге көмектеседі.
 

Ана мен бала орталығында (ЦМИР) медицина қызметкерлері мен жүкті әйелдерге арналған дәріс өтті.

Эпидемиологиялық бөлімнің меңгерушісі Арай Айдарқызы жаһандық 95-95-95 бағдарламасының маңыздылығын атап өтті:
    •    95% адам өз мәртебесін білуі тиіс,
    •    анықталғандардың 95%-ы ем алуы керек,
    •    ем қабылдағандардың 95%-ы вирус деңгейін басуы қажет.

10 қыркүйек күні Өскемен қаласының аудандарында ЖИТС-тің алдын алу және оған қарсы күрес орталығы ОЮЛ «Жастар мен балалар ұйымдарының қауымдастығымен» бірлесіп рейд өткізді.

Іс-шараның негізгі мақсаты – есепте тұрған, бірақ медицина қызметкерлерімен байланысын жоғалтқан адамдарды іздеу болды.

Рейд барысында тұрғындарға ЖИТС-тің алдын алу туралы ақпарат беріліп, тестілеуден өту ұсынылды. Сондай-ақ ашық әңгімелесу арқылы психологиялық және әлеуметтік қолдау көрсетуге, сенімді байланыстарды қалпына келтіруге ерекше көңіл бөлінді.

Ұлан ауданы, Қ.Қайсенов кентіндегі Р. Мәрсеков атындағы орта мектепте Шығыс Қазақстан облыстық ЖИТС алдын алу және оған қарсы күрес орталығының маманы оқушылармен кездесу өткізді.

Кездесу барысында маман АИТВ-инфекциясының алдын алу жолдары, оның таралу тәсілдері мен қоғамда қалыптасқан қате түсініктер жайлы әңгімелеп, оқушылардың сұрақтарына жауап берді.

Шараның мақсаты – жасөспірімдердің салауатты өмір салтын ұстануына ықпал ету және АИТВ/ЖИТС мәселесі жөніндегі сауаттылықты арттыру.

ЖИТС-тің алдын алу және оған қарсы күрес орталығы «Answer» ҮЕҰ-ымен және Психикалық денсаулық орталығымен бірлесіп рейд жүргізді.

Іс-шараның негізгі мақсаты – есепте тұрған, бірақ медицина қызметкерлерімен байланысын жоғалтқан адамдарды іздеу.

Рейд барысында ЖИТС алдын алу мәселелері бойынша ақпарат беріліп, тестілеуден өту ұсынылды. Сонымен қатар тұрғындармен ашық әңгімелесу жүргізіліп, психологиялық және әлеуметтік қолдау көрсетуге назар аударылды.

Бұл жұмыс алдағы уақытта тиімді ынтымақтастықты жалғастыруға мүмкіндік береді.

Бүгін Шығыс Қазақстан облыстық ЖИТС орталығында аутрич қызметкерлеріне арналған семинар ұйымдастырылды. Шара барысында аймақтағы АИТВ індетінің алдын алу және таралуымен күрес мәселелері талқыланды.

Күн тәртібінде:
   •   ШҚО-дағы АИТВ бойынша эпидемиологиялық ахуал;
   •   Негізгі топ өкілдерін тестілеу;
   •   МСМ арасында зиянды азайту бағдарламаларын ұйымдастыру мәселелері қаралды.

Семинар соңында қатысушылар барлық сұрақтарды талқылап, алдағы уақыттағы бірлескен жұмыстардың бағыттарын айқындады.

Шығыс Қазақстан облысында Қазақстан Республикасы Конституциясының 30 жылдығына арналған ерекше мереке өтті. Aqniet кәсіподағы мен Фтизиопульмонологиялық орталықтың медицина қызметкерлері волейбол турнирін ұйымдастырып, спорт арқылы бірлік пен достықты дәріптеді.

ЖИТС орталығы бұл шарада белсенді рөл атқарды. Орталықтың қызметкерлері турнирге жанкүйер болып қатысып, әріптестеріне қолдау көрсетіп, командаларға қуат берді. Бұл олардың тек медицинада ғана емес, қоғамдық өмірде де белсенді екенін көрсетті.

Шығыс Қазақстан облысында АИТВ алдын алу және ерте анықтау жұмыстары жалғасуда. Осы аптада ШҚО ЖИТС орталығының мамандары Алтай ауданына іссапармен барды.

Іс-шара барысында ЖИТС орталығында есепте тұрған АИТВ-мен өмір сүретін адамдар (ЛЖВ), жүкті әйелдердің жыныстық серіктестері, сондай-ақ наркологиялық есепте тұрған, бірақ әлі АИТВ-ға тексерілмеген тұлғаларға аула аралау жұмыстары жүргізілді. Негізгі мақсат – жоғалған науқастарды табу, тексеруден өткізу және қажетті кеңестік көмек көрсету.

ТОО «МФО Robocash.kz» компаниясының мамандарына арналған АИТВ профилактикасы бойынша ақпараттық лекция ұйымдастырылды. Іс-шараның мақсаты – қызметкерлердің ауру туралы дұрыс әрі ғылыми негізделген ақпарат алуына, алдын алу шараларын білуіне және стигма мен дискриминацияны азайтуға ықпал ету.

Лекция барысында мамандарға АИТВ-ның берілу жолдары, алдын алу әдістері, заманауи емдеу мүмкіндіктері жайлы мәлімет берілді. Сондай-ақ қатысушылар сұрақ қойып, өздерін толғандырған тақырыптарды талқылауға мүмкіндік алды.