«Евромед» клиникасында ШҚО ЖИТС-тің алдын алу және оған қарсы күрес орталығы медициналық қызметкерлерге арналған оқу семинарын өткізді.

Кездесудің мақсаты - мамандардың АИТВ-инфекциясының алдын алу мен диагностикалаудың заманауи тәсілдері туралы хабардарлығын арттыру.

Эпидемиолог-дәрігер Г.К. Нұрпейсова 2025 жылдың 1 қазанына дейінгі облыстағы АИТВ бойынша эпидемиологиялық жағдайға шолу жасап, қатысушыларды АИТВ-ның алдын алу жөніндегі нормативтік құжаттармен таныстырды.

Өскемен технология және сервис колледжінде ШҚО ЖИТС орталығы мен №2 емхананың жастар орталығы бірлесіп дәріс өткізді.

Мамандар студенттерге АИТВ инфекциясының жұғу жолдары мен оның алдын алу шаралары туралы айтып, кең таралған қате түсініктерді жоққа шығарды.

Кездесу барысында қатысушыларға ақпараттық буклеттер таратылып, бейнеролик пен презентация көрсетілді. Шараның мақсаты – жастардың АИТВ мәселесі жөніндегі білімін арттыру және салауатты өмір салтын насихаттау.

Ана мен бала орталығының педиатриялық блогында Шығыс Қазақстан облыстық ЖИТС орталығының эпидемиолог-дәрігері Гулнар Қабдуллаевна қатысумен семинар өтті.

Кездесу барысында АИТВ жұқтырған аналардан туған балаларды бақылау мәселелері қарастырылып, экспресс-тестілеу үдерісінің көрсетілімі өткізілді.

Маман ерте диагностиканың және мекемелер арасындағы өзара ынтымақтастықтың ана мен баланың денсаулығын қорғаудағы маңыздылығын атап өтті.

Шығыс Қазақстан облыстық ЖИТС орталығының дәрігері Айгерім Қайратқызы ШҚО мәслихатында ақпараттық дәріс өткізді.

Кездесуде АИТВ инфекциясының алдын алу, жұғу жолдары және халықты ақпараттандырудың маңызы талқыланды.

Қатысушылар тақырып бойынша сұрақтар қойып, толыққанды жауап алды.

Шығыс Қазақстан облыстық ЖИТС орталығының мамандары Үлкен Нарын аудандық орталық ауруханасында семинар өткізіп, медициналық қызметкерлермен кездесті.

Басты мақсат – АИТВ инфекциясының алдын алу және ерте анықтау бойынша мамандардың білімін жетілдіру. Кездесу барысында профилактикалық жұмыстың өзектілігі талқыланды.                                                                                                                                                                                                               

Шығыс Қазақстан облыстық ЖИТС-тың алдын алу және оған қарсы күрес орталығының мамандары Катонқарағай аудандық орталық ауруханасында семинар өткізіп, медициналық қызметкерлердің жұмысына мониторинг жүргізді.

Іс-шараның мақсаты – АИТВ инфекциясының алдын алу бойынша медициналық қызметкерлердің білімін арттыру, заманауи диагностика мен емдеу тәсілдерін түсіндіру.

Семинар барысында дәрігерлерге эпидемиологиялық қауіпсіздік шаралары, АИТВ жұқтыру қаупі жоғары топтармен жұмыс істеу әдістері және пациенттерге психологиялық қолдау көрсету жолдары түсіндірілді.

Өскемен қаласында жастар орталықтары Шығыс Қазақстан облыстық ЖИТС-тың алдын алу және оған қарсы күрес орталығымен бірлесіп ақпараттық-түсіндіру жұмыстарын белсенді жүргізіп жатыр. Дәрістер оқу орындарында, кеңес беру кездесулері медициналық ұйымдарда өткізіліп, қатысушыларға АИТВ бойынша тегін әрі құпия түрде экспресс-тест тапсыру мүмкіндігі берілуде. Мұндай шаралар жастарға тек теориялық білім алып қана қоймай, өз денсаулығына жауапкершілікпен қарауға мүмкіндік береді.

Шығыс Қазақстан облысының ЖИТС алдын алу және күрес жөніндегі орталығының қызметкерлері «Еңбек дауларын келісу комиссиясының қарауы: еңбек заңнамасы мен келіссөздер дағдыларын қолдану практикасы» атты оқу курсы бойынша өткізілген семинарға қатысты.

Семинар барысында қатысушылар Қазақстан Республикасының Еңбек кодексінің негізгі нормаларымен танысып, жұмыс беруші мен қызметкерлер арасындағы қарым-қатынас мәселелерін, туындауы мүмкін келіспеушіліктер мен оларды шешу жолдарын талқылады.

Шығыс Қазақстан облысының ЖИТС алдын алу және күрес жөніндегі орталығында зейнет жасына жеткен қызметкерлерді қарттар күнімен – даналықтың, өмірлік тәжірибе мен рухани жомарттықтың мерекесімен шын жүректен құттықтау рәсімі өтті.

Кәсіподақ комитеті мен бүкіл ұжым атынан құрметті әріптестерімізге көпжылдық адал еңбегі, кәсіби шеберлігі мен мекеменің дамуына қосқан баға жетпес үлесі үшін алғыс сөздері айтылды.

Осындай қадірлі, парасатты жандардың біздің ұжымда жұмыс істейтіні – біз үшін үлкен мақтаныш!

Өскемен қаласындағы Жоғары медициналық колледжде «Өз мәртебеңді біл» атты акция ұйымдастырылды. Іс-шараға бірінші курс студенттерімен бірге колледждің педагогтары да белсене қатысты.

Акция барысында қатысушылар ШҚО ЖИТС-тің алдын алу және оған қарсы күрес орталығының дәрігерінің дәрісін тыңдап, өздерін толғандырған сұрақтарына жауап алды. Сонымен қатар студенттер мен оқытушылар қан тапсырып, АИТВ-ға экспресс-тесттен өтті.

Бұл шараның басты мақсаты – жастар мен ұстаздар арасында денсаулыққа жауапкершілікті қалыптастыру, сондай-ақ АИТВ-ның алдын алу мәдениетін дамыту