ЖИТС орталығының мамандары «Болашақ» деңсаулық орталығы ұйымымен бірлесіп, 5-мектеп оқушыларына ақпараттық дәріс өткізді.

Кездесу барысында оқушыларға АИТВ деген не, оның қалай жұғатыны және одан қорғанудың тиімді жолдары түсіндірілді. Мамандар бұл тақырыпқа байланысты жиі таралатын жалған сенімдерді жоққа шығарып, сенімді ақпараттың маңызына тоқталды.

Сонымен қатар, АИТВ-мен өмір сүретін адамдарға құрметпен қараудың қоғам үшін маңызды екені айтылды. Оқушылар мамандарға өз сұрақтарын қойып, толық әрі түсінікті жауап алды.

ҚР Қорғаныс министрлігінің Өскемен гарнизоны әскери полиция бөлімі профилактика бөлімінің маманымен бірлесіп, әскери қызметкерлерге ақпараттық дәріс өткізді.

Кездесу барысында АИТВ-ның жұғу жолдары, одан қорғану тәсілдері және дер кезінде тест тапсырудың маңызы түсіндірілді. Мамандар әскери қызметкерлерге экспресс-тесттердің қалай қолданылатынын көрсетіп, түсіндірме берді.

Қатысушыларға алдын алу жөніндегі негізгі ақпаратты қамтитын тарату материалдары ұсынылды. Іс-шараның мақсаты – жеке құрамның хабардарлығын арттырып, қауіпсіз мінез-құлық мәдениетін нығайту.

ЖИТС орталығының эпидемиолог-дәрігері Өскемен жоғары политехникалық колледжінің 1–3 курс студенттеріне ақпараттық дәріс өткізді.                                

Студенттерге АИТВ, оның жұғу жолдары мен алдын алу тәсілдері түсіндіріліп, кең таралған мифтер жоққа шығарылды.                                                                  

Кездесу соңында қатысушылар барлық сұрақтарына толық жауап алды.                                                                                                                                                 

27-мектепте АИТВ инфекциясының алдын алу бойынша ақпараттық дәріс ұйымдастырылды. Мамандар оқушыларға АИТВ-ның берілу жолдары, қорғану тәсілдері және ерте тестілеудің маңызы туралы түсіндірді. Оқушылар сұрақтар қойып, қажетті кеңестер алды.

Қазақстан-корей «Квансон» колледжінде Шығыс Қазақстан облыстық АИТВ алдын алу және оған қарсы күрес орталығы мен наркология қызметінің психологтары бірлесіп ақпараттық дәріс өткізді.

Психологтар студенттерге есірткі заттарының жіктелуі, тәуелділіктің түрлері және психоактивті заттарды қолданудың салдары туралы жан-жақты түсіндірді. Оқу барысында жастарға нашақорлықтың зияны туралы бейнеролик көрсетілді.

ЖИТС орталығының мамандары АИТВ инфекциясы, оның берілу жолдары, қорғану тәсілдері және ерте тестілеудің маңызы жөнінде ақпарат берді.

Дүниежүзілік денсаулық сақтау ұйымының АИТВ инфекциясын жою стратегиясы «95–95–95»-ке сәйкес жоспарын іске асыру аясында 5 желтоқсанда Шығыс Қазақстан облысында АИТВ-ны диагностикалау, алдын алу және емдеу мәселелеріне арналған облыстық конференция өтті.

Мерекеге поликлиникалардың меңгерушілері, терапевт дәрігерлер және өңірдің жалпы практика дәрігерлері қатысты. Конференцияның мақсаты - медициналық қызметкерлерді ересектер мен балаларда клиникалық және эпидемиологиялық көрсеткіштер бойынша АИТВ инфекциясын тексерудің заманауи тәсілдерімен таныстыру.

С. Аманжолов атындағы ШҚУ жоғары колледжінде студенттерге арналған АИТВ инфекциясының алдын алу бойынша ақпараттық сабақ ұйымдастырылды.

Шығыс Қазақстан облыстық ЖИТС орталығының мамандары студенттерге АИТВ-ның берілу жолдары, алдын алу тәсілдері және ерте тестілеудің маңызы туралы түсіндірді. Студенттер сұрақтар қойып, кәсіби кеңестер алды.

Сабақ жастардың ақпараттандырылуын арттыруға және АИТВ-дан қорғанудың маңыздылығын түсіндіруге бағытталды.

Өскемен жоғары медициналық колледжінде студент-медиктерге арналған АИТВ инфекциясының алдын алу тақырыбында оқыту дәрісі ұйымдастырылды.

Мамандар АИТВ-ның берілу жолдары, жұқпаның алдын алу тәсілдері, ерте тестілеудің маңызы және инфекциялық қауіпсіздік стандарттарын сақтау қажеттілігі туралы кеңінен түсіндірді. Сонымен қатар болашақ медицина қызметкерлеріне осал топтармен жұмыс жүргізу және этикалық тұрғыдан дұрыс кеңес беру қағидалары түсіндірілді.

Риддер қаласының Психикалық денсаулық орталығында Шығыс Қазақстан облыстық ЖИТС-тің алдын алу және оған қарсы күрес орталығының мамандары мониторинг жүргізіп, оқыту семинарын өткізді.

Кездесу барысында мамандар профилактикалық жұмыстардың ұйымдастырылуын бағалап, АИТВ-ны ерте анықтау, осал топтармен жұмыс жүргізу және кеңес беру сапасын арттыру мәселелерін талқылады. Сондай-ақ медицина қызметкерлері заманауи алдын алу тәсілдері мен көмек көрсету алгоритмдері бойынша білімдерін жаңартуға мүмкіндік алды.