ШҚО ЖИТС орталығының мамандары «Левобережная клиника» мекемесінде мониторинг жүргізіп, оқу семинарын өткізді. АИТВ-ны анықтау, зертханалардың жұмысы мен құжаттардың дұрыс жүргізілуі тексерілді.
Семинар барысында медицина қызметкерлері АИТВ-ны диагностикалау, емдеу және алдын алу бойынша жаңа әдістермен танысты. Мұндай іс-шаралар медициналық қызмет сапасын жақсартуға және аурудың таралуын азайтуға көмектеседі.
Колония-қоныс №16 мекемесінде АИТВ инфекциясының алдын алу бойынша дәріс өтті. Іс-шараның басты мақсаты – сотталғандардың АИТВ туралы білім деңгейін арттыру, оның берілу жолдары, алдын алу шаралары және дер кезінде тестілеуден өтудің маңыздылығы жөнінде ақпарат беру.
25 ақпанда Экономика және техника колледжінде бірінші курс студенттері үшін АИТВ-ның алдын алу тақырыбында лекция өтті. Іс-шараның негізгі мақсаты – студенттердің адам иммун тапшылығы вирусы (АИТВ) туралы білімін арттырып, оның жұғу жолдары мен қорғану әдістері жайлы ақпарат беру.
2025 жылғы 21 ақпанда «B.B.NURA» амбулаторлық диализ орталығында ШҚО ЖИТС-тің алдын алу және оған қарсы күрес орталығы ұйымдастырған семинар өтті.
Семинардың мақсаты – медицина қызметкерлерінің АИТВ-ның алдын алу, диагностикасы және емдеу бойынша білімін жетілдіру, сондай-ақ нормативтік құжаттармен және эпидемиологиялық жағдаймен таныстыру.
Негізгі тақырыптар
Өскемен қаласында Шығыс Қазақстан облысындағы мемлекеттік мекемелер мен үкіметтік емес ұйымдардың жоғалған адамдарды іздеу мәселесіне арналған дөңгелек үстел өтті. Іс-шараны Шығыс Қазақстан облыстық ЖИТС-тің алдын алу және оған қарсы күрес орталығы ұйымдастырды.
21 ақпанда ЖИТС орталығының мамандары №37 көпсалалы орта мектепте АИТВ алдын алу бойынша дәріс өткізді. Оқушылар вирустың жұғу жолдары, ауруға қатысты мифтер және қорғану тәсілдері туралы мағлұмат алды. Мұндай іс-шаралар жастардың хабардарлығын арттырып, денсаулыққа жауапкершілікпен қарауға ықпал етеді.
№2 орта мектебінде ЖИТС орталығының мамандары АИТВ-инфекциясының алдын алу бойынша дәріс өткізді. Жұғу жолдары, мифтер және қорғану тәсілдері туралы маңызды мәселелер талқыланды. Білім – денсаулықты сақтаудың ең жақсы жолы!
С. Нұрмағамбетов атындағы №4 орта мектебінде жоғары сынып оқушыларына АИТВ-ның алдын алу тақырыбында дәріс ұйымдастырылды. Оқушыларға ақпараттық бейнероликтер көрсетіліп, вирус жұғу жолдары мен қорғану шаралары түсіндірілді.
Оқушылар өздерін қызықтырған сұрақтарын қойып, мамандардан нақты және қолжетімді жауаптар алды. Дәріс АИТВ туралы кең таралған қате түсініктерді жоюға және денсаулыққа жауапкершілікпен қарау маңыздылығын еске салуға көмектесті.
Шығыс Қазақстан облыстық ЖИТС-тың алдын алу және оған қарсы күрес орталығының дәрігерлері №1 емханаға мониторингтік сапар жасады. Сапардың мақсаты – құжаттаманың жүргізілуін тексеру, медицина қызметкерлерін оқыту және АИТВ-ның алдын алу бойынша өзекті ақпаратпен бөлісу.
Өскемен қаласындағы №22 мектебінде 9–11 сынып оқушыларына арналған АИТВ-ның алдын алу тақырыбында дәріс өтті. Сабақты ЖИТС орталығының эпидемиолог дәрігері Аяулым Еркиновна Аукенова жүргізді.
Оқушыларға АИТВ жұғу жолдары, оның алдын алу шаралары және қауіпсіз мінез-құлықтың маңыздылығы туралы түсіндірілді. Сондай-ақ, вирусқа қатысты кең таралған мифтер мен оны анықтау әдістері туралы айтылды. Дәріс оқушыларға өз денсаулығына жауапкершілікпен қараудың маңыздылығын түсінуге көмектесті.