ЖИТС орталығының эпидемиологиялық бөлімінің меңгерушісі Мамандандырылған медициналық орталықтың медицина қызметкерлеріне арналған семинар өткізді.

Семинар барысында АИТВ бойынша эпидемиологиялық қырағылықтың маңыздылығы, ерте анықтау, алдын алу шаралары және медицина қызметкерлерінің кәсіби жауапкершілігіне ерекше назар аударылды.                                                                                                                                                                                    

Негізгі орта мектеп-интернатында Жастар денсаулық орталығы оқушыларға арналған денсаулық және АИТВ-ның алдын алу тақырыбында ақпараттық лекция өткізді. Кездесу барысында салауатты өмір салтын ұстану, аурудың алдын алу жолдары және жеке жауапкершіліктің маңызы айтылды. Оқушылар өз сұрақтарына жауап алды.                                                                                                                                                                                                                               

№15 орта мектепте «Менің отбасылық амбулатория» - Жастар денсаулық орталығының мамандары оқушыларға арналған денсаулықты сақтау және АИТВ-ның алдын алу тақырыбында дәріс өткізді. Кездесу барысында салауатты өмір салты, аурудың алдын алу және жауапты мінез-құлық туралы маңызды ақпарат берілді.                                                                                                                                                                                                                                               

Іс-шара барысында АИТВ-инфекциясының алдын алу, жұғу жолдары, заманауи диагностика мен емдеу тәсілдері, сондай-ақ медицина қызметкерлерінің кәсіби қызметі кезіндегі қауіпсіздік шаралары кеңінен талқыланды. Апаттық жағдайлар кезінде әрекет ету алгоритмдеріне және уақытылы тестілеудің маңыздылығына ерекше назар аударылды.

16 желтоқсан - Қазақстан Республикасының Тәуелсіздік күні қарсаңында ЖИТС орталығында салтанатты жиын өтті. Іс-шара барысында мекеме қызметкерлері ел дамуына қосқан үлесі мен адал еңбегі үшін құрмет грамоталарымен марапатталды. Басшылық ұжымға кәсіби шеберлігі мен жауапты қызметі үшін алғыс білдіріп, мерекемен құттықтады.                                                                                                                                                                                  

ЖИТС орталығының мамандары «Болашақ» деңсаулық орталығы ұйымымен бірлесіп, 5-мектеп оқушыларына ақпараттық дәріс өткізді.

Кездесу барысында оқушыларға АИТВ деген не, оның қалай жұғатыны және одан қорғанудың тиімді жолдары түсіндірілді. Мамандар бұл тақырыпқа байланысты жиі таралатын жалған сенімдерді жоққа шығарып, сенімді ақпараттың маңызына тоқталды.

Сонымен қатар, АИТВ-мен өмір сүретін адамдарға құрметпен қараудың қоғам үшін маңызды екені айтылды. Оқушылар мамандарға өз сұрақтарын қойып, толық әрі түсінікті жауап алды.

ҚР Қорғаныс министрлігінің Өскемен гарнизоны әскери полиция бөлімі профилактика бөлімінің маманымен бірлесіп, әскери қызметкерлерге ақпараттық дәріс өткізді.

Кездесу барысында АИТВ-ның жұғу жолдары, одан қорғану тәсілдері және дер кезінде тест тапсырудың маңызы түсіндірілді. Мамандар әскери қызметкерлерге экспресс-тесттердің қалай қолданылатынын көрсетіп, түсіндірме берді.

Қатысушыларға алдын алу жөніндегі негізгі ақпаратты қамтитын тарату материалдары ұсынылды. Іс-шараның мақсаты – жеке құрамның хабардарлығын арттырып, қауіпсіз мінез-құлық мәдениетін нығайту.

ЖИТС орталығының эпидемиолог-дәрігері Өскемен жоғары политехникалық колледжінің 1–3 курс студенттеріне ақпараттық дәріс өткізді.                                

Студенттерге АИТВ, оның жұғу жолдары мен алдын алу тәсілдері түсіндіріліп, кең таралған мифтер жоққа шығарылды.                                                                  

Кездесу соңында қатысушылар барлық сұрақтарына толық жауап алды.                                                                                                                                                 

27-мектепте АИТВ инфекциясының алдын алу бойынша ақпараттық дәріс ұйымдастырылды. Мамандар оқушыларға АИТВ-ның берілу жолдары, қорғану тәсілдері және ерте тестілеудің маңызы туралы түсіндірді. Оқушылар сұрақтар қойып, қажетті кеңестер алды.