АИТВ-ның алдын алу мақсатында Марқакөл ауылындағы мектеп-интернат-колледж базасында ақпараттық дәріс ұйымдастырылды. Кездесуге облыстық ЖИТС орталығының эпидемиолог-дәрігері Аукенова Аяулым спикер ретінде қатысты.
Марқакөл ауылындағы №1 орта мектепте АИТВ инфекциясының алдын алу бойынша ақпараттық дәріс өтті. Іс-шараны облыстық ЖИТС орталығының эпидемиолог-дәрігері Аукенова Аяулым жүргізді.
Оқушылар АИТВ-ның жұғу жолдары, қорғану әдістері, дер кезінде тест тапсырудың маңыздылығы және вирусқа қатысты жалған түсініктер туралы маңызды ақпарат алды. Дәріс ашық форматта өтті – оқушылар көкейлеріндегі сұрақтарын қойып, кәсіби жауаптар алды.
Ақпаратты болу – қорғанудың ең тиімді жолы!
Іссапар барысында өңірдегі эпидемиологиялық жағдайға талдау жасалып, бағалау жүргізілді. АИТВ инфекциясы бойынша негізгі көрсеткіштерге мониторинг жүргізіліп, медицина қызметкерлеріне кеңес түрінде әдістемелік көмек көрсетілді. Науқастарды диагностикалау, бақылау және инфекцияның таралуын болдырмау мәселелері жан-жақты қарастырылды.
«Nº5 Куршім орта мектебінде» ШҚО ЖИТС орталығы АИТВ туралы танымдық дәріс өткізді. Оқушылар негізгі ақпарат алып, өз денсаулығына жауапкершілікпен қараудың маңызын ұғынды.
ЖИТС-тің алдын алу және оған қарсы күрес орталығының мамандары Н.Островский атындағы Күршім орта мектебінде дәріс өткізді.
Жоғары сынып оқушыларына АИТВ деген не, оның қалай жұғатыны және өзіңді қалай қорғау керек екені түсіндірілді. Сонымен қатар, тұрақты түрде тестілеуден өтудің маңыздылығы айтылып, кең таралған жаңсақ пікірлерге нүкте қойылды.
Мектеп әкімшілігіне ашықтық пен ынтымақтастығы үшін алғысымызды білдіреміз. Біз бірге жауапты ұрпақ тәрбиелейміз!
Осы аптада Күршім аудандық ауруханасына ЖИТС-тің алдын алу және оған қарсы күрес орталығының мониторинг тобы жұмыс сапарымен келді. Сапар барысында АИТВ инфекциясы бойынша көрсетілетін қызметтердің сапасы тексеріліп, медициналық қызметкерлерге арналған оқыту семинары өткізілді.
Семинарда АИТВ-ның алдын алу, ерте анықтау, негізгі топтармен жұмыс істеу және АИТВ жұқтырған адамдарды жүргізу мәселелері талқыланды. Ерекше назар құпиялылықты сақтау мен пациенттердің құқықтарын қорғауға аударылды.
Шығыс Қазақстан облыстық ЖИТС-тің алдын алу және оған қарсы күрес орталығының мамандары мониторинг аясында амбулаториялық орталыққа жұмыс сапарымен барды. Сапардың басты мақсаты – АИТВ инфекциясын ерте анықтау және алдын алу бойынша медицина қызметкерлеріне кеңестік-әдістемелік көмек көрсету болды.
Ж. Болғанбаев атындағы Самар орта мектеп-лицейінде АИТВ-инфекциясының алдын алу бойынша танымдық дәріс өтті. Іс-шараны Шығыс Қазақстан облыстық ЖИТС-тың алдын алу және оған қарсы күрес орталығы ұйымдастырды.
Орталық мамандары оқушыларға АИТВ-ның жұғу жолдары, одан қорғану тәсілдері, үнемі тест тапсырудың маңыздылығы және осы аурумен өмір сүріп жатқан адамдарға төзімді көзқарас туралы айтып берді. Дәріс интерактивті форматта өтті — оқушылар белсенді сұрақтар қойып, пікірталасқа қатысты, сонымен қатар пайдалы жадынамалар алды.
«Самар аграрлық-техникалық колледжінде» АИТВ инфекциясының алдын алу тақырыбында дәріс өтті. Шараға Шығыс Қазақстан облыстық ЖИТС орталығының эпидемиолог-дәрігері Аяулым Аукенова қатысып, колледждің студенттері мен оқытушыларына түсіндіру жұмысын жүргізді.
Маман АИТВ-ның жұғу жолдары, алдын алу әдістері туралы айтып, бұл індетке қатысты кең тараған қате түсініктерді жоққа шығарды. Сондай-ақ, өз денсаулығына жауапкершілікпен қарау мен тұрақты тексеріліп тұрудың маңыздылығы ерекше атап өтілді.
Шығыс Қазақстан облыстық АИТВ инфекциясының алдын алу және оған қарсы күрес орталығының мамандары Самар ауданының аудандық ауруханасына жұмыс сапарымен барды. Сапардың мақсаты — АИТВ инфекциясының алдын алу және емдеу мәселелері бойынша жергілікті медицина қызметкерлерінің біліктілігін арттыру және мониторинг жүргізу.