Өскемен қаласындағы Ахмер орта мектебінде АИТВ инфекциясының алдын алу бойынша танымдық дәріс өтті. Іс-шараның арнайы қонағы болып ЖИТС-тің алдын алу және оған қарсы күрес орталығының эпидемиолог-дәрігері Амирова Аяжан қатысты.

Маман оқушыларға АИТВ-ның жұғу жолдары, алдын алу тәсілдері және үнемі тест тапсырудың маңыздылығы туралы кеңінен түсіндіріп берді. Сонымен қатар, АИТВ туралы жалған түсініктерді жоққа шығарып, осы диагнозбен өмір сүріп жатқан адамдарға деген төзімді көзқарас қалыптастыруға баса назар аударылды.

№36 мектептің 8-сынып оқушыларына АИТВ-нің алдын алу бойынша танымдық дәріс өткізілді. Шараны Шығыс Қазақстан облыстық ЖИТС-тің алдын алу және күресу орталығының маманы Турарова Юлия жүргізді.

Оқушыларға АИТВ жұғу жолдары, одан қорғану тәсілдері және өз денсаулығына жауапкершілікпен қараудың маңыздылығы туралы айтылды. Дәріс ашық диалог форматында өтті – балалар белсенді сұрақтар қойып, оларға түсінікті әрі шынайы жауаптар алды.

Мұндай кездесулер жасөспірімдерге денсаулық пен алдын алу мәселелеріне саналы көзқарас қалыптастыруға көмектеседі.

Қазақстан Республикасы Ішкі істер министрлігі Қылмыстық-атқару жүйесі комитетінің №22 мекемесінде сотталғандар арасында АИТВ инфекциясының алдын алуға бағытталған ақпараттық-ағартушылық іс-шара өткізілді.

Іс-шара аясында мамандар дәріс өткізіп, қатысушыларға адамның иммун тапшылығы вирусының (АИТВ) жұғу жолдары мен оның алдын алу тәсілдері туралы айтып берді. Сондай-ақ, тұрақты түрде тест тапсырудың және дертті ерте анықтаудың маңыздылығына ерекше назар аударылды.

Дәрістен кейін қалағандар АИТВ-ға экспресс-тестілеуден ерікті, тегін және аноним түрде өте алды.

№26 орта мектебінде АИТВ инфекциясының алдын алу тақырыбында дәріс өткізілді. Аталған іс-шараны ЖИТС-тің алдын алу және оған қарсы күрес орталығының эпидемиолог-дәрігері Амирова Аяжан жүргізді.

Дәріс барысында оқушыларға адам иммун тапшылығы вирусының (АИТВ) жұғу жолдары, одан қорғану тәсілдері, ерте диагностиканың және тұрақты түрде тестілеуден өтудің маңыздылығы түсіндірілді. Сондай-ақ, АИТВ туралы кең таралған жалған түсініктерге тоқталып, вируспен өмір сүретін адамдарға деген төзімділік пен сыйластықты қалыптастыру қажеттігі айтылды.

«М. Әуезов атындағы Ақжар мектеп-интернат-колледжінде» АИТВ инфекциясының алдын алу бойынша ақпараттық дәріс өтті. Іс-шара ашық әңгіме форматында өтіп, оқушылардың еркін сұрақ қойып, талқылауға белсенді қатысуына мүмкіндік берді.

Облыстық орталықтан келген мамандар жастарға АИТВ-ның жұғу жолдары, алдын алу шаралары және уақтылы тексерілудің маңызы туралы айтып, инфекцияға байланысты кең тараған қате түсініктерді жоққа шығарды.

Тарбағатай ауданы Ақжар ауылында орналасқан «Шығыс Қазақстан облыстық фтизиопульмонологиялық орталығы» бөлімшесінде ЖИТС орталығы мамандарының қатысуымен ақпараттық-түсіндіру семинары өтті.

Кездесудің басты мақсаты – халықтың АИТВ инфекциясы туралы хабардарлығын арттыру, жұғу жолдары, алдын алу әдістері және дер кезінде тексерілудің маңыздылығы туралы түсіндіру болды. ЖИТС орталығының мамандары қатысушылардың барлық сұрақтарына жауап беріп, көрнекі материалдармен түсіндіріп, мазалаған тақырыптарды жан-жақты талқылады.

16-17 сәуірде Ақжар ауылындағы Тарбагатай ауданаралық ауруханасында ЖИТС орталығы ұйымдастырған медициналық қызметкерлерге арналған мониторинг пен оқыту семинары өтті.

Іс‑шара аясында орталық мамандары жергілікті деңгейде АИТВ алдын алу және емдеу бағдарламаларының жүзеге асу жағдайын бағалады. Сонымен қатар диагностика, мониторинг және есеп беру мәселелері бойынша медициналық персоналдың біліктілігін арттыруға бағытталған практикалық сабақ өткізілді.

Өскемен қаласындағы Назарбаев Зияткерлік мектебінде АИТВ инфекциясы мен В және С вирустық гепатиттерінің алдын алу мәселелеріне арналған ақпараттық-профилактикалық кездесу өтті. Іс-шараға ШҚО ЖИТС орталығының өкілі Турарова Юлия Юрьевна қатысты.

Кездесуді мектептің медицина қызметкерлері — педиатр-дәрігер Амантаев А.Е. мен медбике Мумбаева Д.А. ұйымдастырды. Іс-шараның басты мақсаты — оқушылардың қауіпті инфекциялардың жұғу жолдары, сақтану шаралары және АИТВ мен вирустық гепатитті ерте диагностикалаудың маңыздылығы туралы білім деңгейін арттыру болды.

Өскемен қаласы білім бөлімінің қарамағындағы К.Нұрғалиев атындағы №43 мектеп-лицейінде 8–10 сынып оқушыларына арналған маңызды ақпараттық кездесу өтті. АИТВ инфекциясының алдын алу бойынша дәрісті Шығыс Қазақстан облыстық ЖИТС-тің алдын алу және оған қарсы күрес орталығының алдын алу бөлімі ұйымдастырды.

Өткен аптада Шығыс Қазақстан облыстық ЖИТС-тың алдын алу және оған қарсы күрес орталығының мамандары Зайсан аудандық ауруханасында мониторинг және оқыту семинарын өткізді.

Сапардың мақсаты – бағдарламалық іс-шаралардың орындалу барысын бағалау және медицина қызметкерлерінің АИТВ мәселелері бойынша құзыреттілігін арттыру. Мониторинг аясында негізгі көрсеткіштер бойынша деректер жүйеленіп, аудандық аурухана қызметкерлеріне ресурстарды тиімді пайдалану және жоспарланған нәтижелерге қол жеткізу мәселелері бойынша кеңестер берілді.