Өскемен қаласындағы Ахмер орта мектебінде АИТВ инфекциясының алдын алу бойынша танымдық дәріс өтті. Іс-шараның арнайы қонағы болып ЖИТС-тің алдын алу және оған қарсы күрес орталығының эпидемиолог-дәрігері Амирова Аяжан қатысты.
Маман оқушыларға АИТВ-ның жұғу жолдары, алдын алу тәсілдері және үнемі тест тапсырудың маңыздылығы туралы кеңінен түсіндіріп берді. Сонымен қатар, АИТВ туралы жалған түсініктерді жоққа шығарып, осы диагнозбен өмір сүріп жатқан адамдарға деген төзімді көзқарас қалыптастыруға баса назар аударылды.
Дәріс оқушылардың үлкен қызығушылығын тудырды — олар белсенді түрде сұрақтар қойып, ойларымен бөлісті және маңызды ақпарат үшін алғыстарын білдірді. Мұндай іс-шаралар жастардың өз денсаулығына жауапкершілікпен қарауына және ақпараттылық деңгейінің артуына ықпал етеді.
