Өткен аптада Шығыс Қазақстан облыстық ЖИТС-тың алдын алу және оған қарсы күрес орталығының мамандары Зайсан аудандық ауруханасында мониторинг және оқыту семинарын өткізді.
Сапардың мақсаты – бағдарламалық іс-шаралардың орындалу барысын бағалау және медицина қызметкерлерінің АИТВ мәселелері бойынша құзыреттілігін арттыру. Мониторинг аясында негізгі көрсеткіштер бойынша деректер жүйеленіп, аудандық аурухана қызметкерлеріне ресурстарды тиімді пайдалану және жоспарланған нәтижелерге қол жеткізу мәселелері бойынша кеңестер берілді.
Семинар барысында қатысушыларға мониторинг пен бағалаудың басқару мен шешім қабылдаудағы маңызы туралы айтылды. Деректерді жинау мен талдаудың бірыңғай стандарттарын сақтау мәселесіне ерекше назар аударылды. Бұл ақпараттың бұрмалануын болдырмауға және АИТВ-ның алдын алу жөніндегі ұлттық бағдарламаға қатысушылардың қызметінің ашықтығын қамтамасыз етуге мүмкіндік береді.
Аудандық аурухана өкілдері өткізілген семинардың практикалық маңызын атап өтіп, алған білімдерін күнделікті жұмыста қолдануға дайын екендіктерін білдірді. ШҚО ЖИТС орталығының мамандары мұндай іссапарлар мекемелер арасындағы ынтымақтастықты нығайтып, денсаулық сақтау саласындағы ұлттық мақсаттарға қол жеткізуге үлес қосатынын атап өтті.
