№5 орта мектепте АИТВ инфекциясының алдын алу тақырыбында танымдық дәріс өтті. Іс-шараны ЖИТС-тің алдын алу және оған қарсы күрес орталығының мамандары ұйымдастырып, оқушыларға АИТВ-ның жұғу жолдары, сақтану шаралары және бұл мәселе туралы ақпараттанудың маңыздылығы жөнінде айтып берді.
Дәріс барысында оқушыларға арнайы бейнеролик көрсетіліп, кейін олар өздерін қызықтырған сұрақтарын қойды. Мамандар оларға толық жауап беріп, АИТВ/ЖИТС туралы кең таралған қате пікірлерді жоққа шығарды. Кездесудің басты мақсаты – жастардың ақпараттану деңгейін арттырып, денсаулыққа деген жауапкершілігін қалыптастыру болды.
Мұндай іс-шаралар АИТВ-ның алдын алуда маңызды рөл атқарады. Олар жастарға аурудың алдын алу жолдарын түсіндіріп, дұрыс шешім қабылдауға көмектеседі.
