Колония-қоныс №16 мекемесінде АИТВ инфекциясының алдын алу бойынша дәріс өтті. Іс-шараның басты мақсаты – сотталғандардың АИТВ туралы білім деңгейін арттыру, оның берілу жолдары, алдын алу шаралары және дер кезінде тестілеуден өтудің маңыздылығы жөнінде ақпарат беру.
Медицина қызметкерлері АИТВ-ның қол алысу, ортақ ыдыс пайдалану немесе жәндіктердің шағуы арқылы таралмайтынын, бірақ қорғаныссыз жыныстық қатынас, ортақ инелерді пайдалану сияқты қауіпті әрекеттер арқылы жұғатынын түсіндірді. Сондай-ақ, қазіргі емдеу әдістері, антиретровирустық терапияның маңызы және дәрігер нұсқауларын орындаудың қажеттілігі туралы айтылды.
Дәріс барысында қатысушылар белсенділік танытып, АИТВ-ны анықтау және емдеу жолдары туралы сұрақтар қойды. Осындай шаралар сотталғандардың денсаулығына жауапкершілікпен қарауын қалыптастырып, инфекцияның таралу қаупін азайтуға көмектеседі.
