2025 жылы 10 ақпанда ШҚО Өскемен қаласындағы «№12 гимназия мектебі» мекемесінде ШҚО ЖИТС-тің алдын алу және оған қарсы күрес орталығының ұйымдастыруымен 9-11 сынып оқушылары арасында дәріс өтті. Дәрісті алдын алу бөлімінің дәрігер-эпидемиологы Әукенова Аяулым Еркінқызы жүргізді. Оқушыларға АИТВ/ЖИТС, жұқтыру жолдары, алдын алу шаралары туралы ақпарат берілді. АИТВ/ЖИТС туралы слайдтар мен бейнероликтер көрсетілді. Дәріс соңында лектор блиц-сауалнама өткізді, оның барысында оқушылар барлық қойылған сұрақтарға толық жауап алды. Оқушыларға ақпараттық-білім беру материалдары таратылды.
