Бұл шараны Шығыс Қазақстан облыстық ЖИТС орталығы ұйымдастырды. Лекцияны алдын алу бөлімінің меңгерушісі Амирова Аяжан Айткенқызы жүргізді.
Шара барысында оқушыларға АИТВ/ЖИТС туралы маңызды ақпарат беріліп, оның жұғу жолдары мен сақтану тәсілдері түсіндірілді. Сондай-ақ, ауруға қатысты кең таралған қате пікірлер талқыланып, оқушылар өздерін қызықтырған сұрақтарға жауап алды.
Осындай ақпараттық жұмыстар жастардың денсаулығын сақтауға және қауіпсіз мінез-құлықты қалыптастыруға көмектеседі. Білімді болу – АИТВ-ның таралуының алдын алудың басты қадамы.
