Шығыс Қазақстан облысының ЖИТС-тің алдын алу және күресу орталығының ұйымдастыруымен ҚАЖД №17 және №22 мекемелерінің медицина қызметкерлеріне арналған семинар өтті.
Семинарды эпидемиолог дәрігер Нұрпейісова Гүлнар Қабдоллақызы жүргізді.
Семинардың негізгі тақырыптары:
1. АИТВ инфекциясы бойынша эпидемиологиялық жағдай. 2025 жылдың 1 қаңтарындағы өңірдегі жағдай туралы статистика ұсынылып, алдын алу шараларындағы өзекті мәселелер талқыланды.
2.АИТВ инфекциясының алдын алу бойынша нормативтік құжаттармен танысу. Дәрігер профилактиканың негізгі қағидаларын түсіндіріп, постконтактық профилактика (ПКП) туралы ақпарат беілді.
3. Клиникалық және эпидемиологиялық көрсеткіштер бойынша сотталғандарды АИТВ-ға тексеру. Диагностика жүргізу тәртібі мен ерте анықтаудың маңыздылығы туралы айтылды.
4. ЛИС электрондық базасымен жұмыс, қан сынамаларын кодтау, үлгілерді тасымалдау және зертханаға жеткізу ережелері түсіндірілді.
5. Медицина қызметкерлері арасында АИТВ инфекциясының алдын алу бойынша әмбебап шаралар, соның ішінде апатты жағдайларда әрекет ету алгоритмі талқыланды. Ауру жұқтыру жағдайында дер кезінде ЖИТС орталығына жүгіну маңызды екені айтылды.
6. АИТВ-мен өмір сүретін адамдарға қатысты стигматизация мен дискриминацияның алдын алу. Этикалық мәселелер және әлеуметтік шиеленісті төмендету жолдары қарастырылды.
Апаттық жағдайлар: әрекет ету алгоритмі
Семинарда медицина қызметкерлерінің АИТВ инфекциясымен байланысты апаттық жағдайларда (мысалы, инфекцияланған биологиялық материалмен байланыс) әрекет ету тәртібі ерекше назарға алынды:
• Жеке қауіпсіздікті қамтамасыз ету;
• Басшылықты дереу хабардар ету;
• АИТВ-ға экспресс-тестілеу;
• Байланыстан кейінгі профилактика үшін антиретровирустық препараттарды қабылдау (алғашқы 2 сағат ішінде, бірақ 72 сағаттан кешіктірмей);
• Құжаттарды рәсімдеу (өндірістегі жазатайым оқиға туралы акт).
Қатысушыларға ұсыныстар
Эпидемиолог дәрігер апаттық жағдайларда медицина қызметкерлеріне ЖИТС орталығына жүгіну қажеттігін және профилактикалық шараларды дер кезінде бастау маңызды екенін атап өтті.
