2025 жылдың 22 қаңтарында ТОО «Аква-лаборатория» медицина қызметкерлеріне арналған онлайн-семинар өтті. Іс-шара Zoom платформасында бейнеконференция форматында ұйымдастырылып, АИТВ инфекциясының алдын алу және диагностикасына арналған маңызды мәселелерді қамтыды.
Семинар бағдарламасында келесі тақырыптар қаралды:
1. 2024 жылдың қорытындысы бойынша өңірдегі АИТВ инфекциясының эпидемиологиялық жағдайы.
2. АИТВ-ның алдын алу бойынша нормативтік құжаттармен танысу.
3. Балалар мен ересектерді клиникалық және эпидемиологиялық көрсеткіштер бойынша АИТВ-ға міндетті түрде тексеру.
4. Жүкті әйелдер мен олардың жыныстық серіктестерін АИТВ-ға тексеруді бақылау.
5. Биоматериалдарды құюдан кейінгі реципиенттерді тексеру тәртібі.
6. Қан үлгілерін кодтау, қан алу және зертханаға жеткізу тәртібі бойынша «INFO LAB» электрондық жүйесімен жұмыс істеудің ерекшеліктері.
7. Медицина қызметкерлері арасында АИТВ инфекциясының алдын алудың әмбебап шаралары, төтенше жағдайлар және постконтактілік профилактика.
8. АИТВ-мен өмір сүретін адамдарды стигматизациялау мен кемсітушіліктің алдын алу.
Семинарды дәрігер-эпидемиолог Әсенова Ж.О. жүргізіп, қатысушылардың сұрақтарына жауап беріп, тәжірибелік ұсыныстарымен бөлісті. Онлайн форматтағы семинар медицина мамандары арасында тәжірибе алмасуға және кәсіби құзыреттілікті арттыруға мүмкіндік берді.
