Шығыс Қазақстан облыстық ЖИТС-тің алдын алу және оған қарсы күрес орталығының диагностикалық зертханасы – мекеменің негізгі бөлімшелерінің бірі. Зертхана ұжымында 16 жоғары білікті маман жұмыс істейді. Олар жыл сайын 100 000-нан астам АИТВ-ға, 10 000-ға жуық басқа жұқпалы ауруларға және 2 000 иммундық мәртебеге талдау жүргізеді.
Орталық құрылған сәттен бастап зертхана ИФА, ИХЛА және ЭТ әдістерін қолдана отырып зерттеулер жүргізеді. Уақыт өте келе зерттеулердің түрлері кеңейді. Бүгінгі таңда мұнда В және С гепатиттері, мерез сияқты инфекцияларды анықтауға, қанның жалпы клиникалық және биохимиялық талдауларына, сондай-ақ жағындылардың микроскопиясына зерттеулер жүргізіледі.
2005 жылдан бастап зертханада АИТВ инфекциясын жұқтырған пациенттердің иммундық мәртебесіне талдау жасалып, ал 2014 жылдан бері ПТР әдісін қолдана отырып, вирустық жүктемені анықтау іске асырылуда.
Аймақтың барлық аудандарынан зертханаға қан үлгілері жеткізіледі. Заманауи жабдықтар мен мамандардың жоғары кәсібилігінің арқасында зертхана жұқпалы ауруларды диагностикалау мен алдын алу ісіне үлкен үлес қосып, өңір тұрғындарының өмір сүру сапасын арттыруға көмектесуде.
