Шығыс Қазақстан облыстық ЖИТС орталығында ұйымдастыру-әдістемелік бөлімінің жетекшісі, эпидемиолог дәрігер Игорь Алексеевич Крукты құрметті еңбек демалысына шығарып салу рәсімі өтті.
Игорь Алексеевич медицина саласында 35 жыл еңбек етіп, эпидемиямен күреске бар күш-жігерін арнады. Оның профилактикалық бағдарламаларды дамыту мен орталық жұмысының тиімділігін арттырудағы еңбегі өлшеусіз. Әріптестері оның кәсібилігін, мол тәжірибесін және өз ісіне адалдығын ерекше атап өтті.
Рәсім барысында алғыс сөздер мен жылы естеліктер айтылып, жаңа өмір жолында денсаулық, амандық және сәттіліктер тіледі. Шара соңында Игорь Алексеевичке ұжымның шексіз ризашылығын білдіретін естелік сыйлықтар табысталды.
