27 қараша күні «Өскемен құрылыс колледжінде» АИТВ инфекциясының алдын алу тақырыбында дәріс өтті. Іс-шараны Дүниежүзілік ЖИТС-ке қарсы күрес күніне орай ШҚО ЖИТС орталығы ұйымдастырды.
Дәріс барысында колледж студенттеріне АИТВ инфекциясының таралу жолдары, алдын алу шаралары мен қорғаныс әдістері түсіндірілді. Мамандар ауру туралы кең тараған мифтерді жоққа шығарып, инфекцияны ерте анықтауда тұрақты тест тапсырудың маңыздылығын атап өтті.
Сонымен қатар, жастар арасында денсаулықты сақтауға қатысты ақпараттандырудың, сондай-ақ АИТВ-мен өмір сүретін адамдарға төзімділік танытудың қажеттілігі айтылды.
Мұндай дәрістер студенттердің білімін арттырып қана қоймай, өз денсаулығына және айналасындағылардың денсаулығына жауапкершілікпен қарауға үйретеді.
