С.Аманжолов атындағы Шығыс Қазақстан университетінде ЖИТС-тің алдын алу тақырыбында дәріс өткізілді. Шара «Answer» қоғамдық қорымен бірлесіп ұйымдастырылды.
Дәріс барысында мамандар студенттерге ЖИТС-тің жұғу жолдары, одан қорғану әдістері және дер кезінде тестілеудің маңыздылығы туралы айтты. Сонымен қатар, бұл ауруға қатысты мифтер мен стереотиптерді жою және ЖИТС-пен өмір сүретін адамдарға толеранттылық танытудың қажеттілігі ерекше назарға алынды.
“Біліміміз – біздің қорғанысымыз. ЖИТС туралы көбірек білген сайын оның таралуын тиімді тоқтата аламыз,” – деп атап өтті ұйымдастырушылар.
Дәрістен кейін барлық қатысушыларға экспресс-тест тапсыру мүмкіндігі берілді. Тест анонимді, жылдам және тегін жүргізілді, бұл көптеген студенттердің қызығушылығын туғызды.
