Дүниежүзілік ЖИТС-ке қарсы күрес күні қарсаңында №36 мектептің жоғары сынып оқушылары үшін ЖИТС-тің алдын алу тақырыбына арналған дәріс өткізілді. Шараны психолог және сенім пунктінің медбикесі Динара Рашидқызы Сәлімбаева ұйымдастырды.
Кездесу барысында оқушылар ЖИТС-тің жұғу жолдары, оның алдын алу әдістері және бұл дертпен өмір сүретін адамдарға деген толеранттылықтың маңызы туралы мол ақпарат алды. Сондай-ақ, шара аясында интерактивті викторина ұйымдастырылып, оқушылар өз білімдерін тексерді. Қосымша ретінде тақырыптық бейнеролик көрсетіліп, мәселенің маңыздылығы кеңінен түсіндірілді.
