10 қазан Шығыс Қазақстан облыстық ЖИТС орталығының мониторинг тобы Ұлан аудандық ауруханасына жұмыс сапарымен барды. Сапардың мақсаты – аурухананың медицина қызметкерлеріне АИТВ инфекциясының алдын алу және емдеу мәселелері бойынша практикалық және әдістемелік көмек көрсету, сондай-ақ олардың біліктілігін арттыру болды.
Іссапар барысында орталық мамандары ауруханада АИТВ инфекциясының алдын алу бойынша жүргізіліп жатқан жұмыстарға, оның ішінде пациенттерді тестілеу және кеңес беру бағдарламаларына аудит жүргізді.
Сапардың маңызды бөлігі – білім беру бағыты болды. Орталық мамандары аурухана қызметкерлеріне дәріс оқып, АИТВ инфекциясының алдын алу, диагностикалау және емдеудің заманауи тәсілдерімен бөлісті.
Осындай сапарлар шалғайдағы аймақтардағы медициналық қызмет көрсету сапасын арттырып, медицина қызметкерлерінің білім деңгейін көтеруде маңызды рөл атқарады. ЖИТС орталығының мамандары аудандық аурухана қызметкерлерінің оқуға деген жоғары қызығушылығын және жаңа әдістемелерді күнделікті тәжірибеде қолдануға ұмтылысын атап өтті.
