Шығыс Қазақстан облыстық ЖИТС орталығының мамандары Семей медицина университетінің Өскемен филиалы қызметкерлеріне АИТВ инфекциясының алдын алу тақырыбында семинар өткізді.
Семинар барысында өңірдегі эпидемиологиялық ахуал, АИТВ инфекциясымен күресудегі «95-95-95» стратегиясының маңыздылығы және антиретровирустық терапияның рөлі талқыланды. Мамандар АИТВ инфекциясын анықтау мен тестілеу ережелерін, медицина қызметкерлеріне арналған алдын алу шараларын және нормативтік құжаттармен жұмыс істеу мәселелерін түсіндірді.
Сондай-ақ, мамандар АИТВ-мен өмір сүретін адамдарға қатысты стигма мен дискриминацияға қарсы күрестің маңыздылығын атап өтіп, постконтактілік профилактика ұйымдастыру бойынша практикалық ұсыныстар берді.
Бұл семинар медицина университеті қызметкерлерінің кәсіби біліктілігін арттыруға және тәжірибе алмасуға тамаша мүмкіндік берді. Мұндай шаралар медициналық көмектің сапасын арттырып, АИТВ инфекциясымен күресте маңызды рөл атқарады.
