Эпид. ситуация

Официальные сайты

ШҚО Шемонаиха ауданындағы Шәкәрім атындағы №4 орта мектепте АИТВ-нің алдын алу бойынша дәріс өтті

АИТВ/ЖИТС пен жыныстық жолмен берілетін инфекциялардың (ЖЖБИ) алдын алу мақсатында Шығыс Қазақстан облыстық ЖИТС-тің алдын алу және оған қарсы күрес орталығының мамандары Шемонаиха ауданындағы Шәкәрім атындағы №4 орта мектепте оқушыларға арнап ақпараттық-түсіндіру дәрісін өткізді.

Іс-шара Шемонаиха ауданы білім беру бөлімімен бірлесе ұйымдастырылды. Дәрістің негізгі мақсаты – жастардың АИТВ инфекциясының жұғу жолдары мен алдын алу шаралары туралы білімін арттыру, өз денсаулығына жауапкершілікпен қарауға тәрбиелеу.

Мамандар оқушыларға АИТВ-ның таралу жағдайы туралы айтып, кең таралған қате пікірлерді жоққа шығарды, тұрақты түрде тексеріліп тұрудың және қауіпсіз мінез-құлықтың маңыздылығын түсіндірді. Сонымен қатар, хламидиоз, мерез, гонорея сияқты басқа да жыныстық жолмен берілетін инфекциялардың алдын алу жолдары қозғалды.

Оқушылар дәріс барысында белсенділік танытып, сұрақтар қойып, тақырыпқа қызығушылық білдірді. Іс-шара соңында қатысушыларға ақпараттық парақшалар мен жадынамалар таратылды.