11 және 18 ақпанда ЖИТС-тың алдын алу және оған қарсы күрес орталығының мамандары Шығыс Қазақстан облыстық ауруханасында (диагностикалық орталық және стационар) медицина қызметкерлері үшін оқу семинарларын өткізді.
Семинар барысында АИТВ-ны диагностикалау мен емдеудің заманауи әдістері, алдын алу шаралары және уақытылы тестілеудің маңыздылығы талқыланды. Қатысушылар өздерін қызықтырған сұрақтарға нақты жауап алды.
Осындай шаралар медицина мамандарының білімін арттырып, АИТВ-мен өмір сүретін адамдарға қатысты стигманы азайтуға ықпал етеді.
