2024 жылдың 15 қазанында ШҚО ЖИТС орталығының мамандары Самар ауданының аудандық ауруханасында мониторинг жүргізді. Бұл іс-шараның мақсаты АИТВ жұқтырғандарға профилактикалық жұмыстар мен көмек көрсетуді ұйымдастыруды тексеру ғана емес, сонымен қатар жергілікті медицина қызметкерлеріне әдістемелік және практикалық көмек көрсету болды.
АИТВ-инфекциясын диагностикалау мен емдеудің сапасын бақылауға, сондай-ақ тәуекел топтарымен жұмыс істеуге баса назар аударылды. Мониторинг барысында ЖИТС орталығының мамандары медициналық құжаттаманың жүргізілуін, зертханалық зерттеулердің дұрыстығын, емдеу стандарттары мен алдын алу шараларының сақталуын тексерді.
Сапар аясында аудандық аурухананың медицина қызметкерлеріне арналған семинар ұйымдастырылды. Семинардың тақырыбы АИТВ-инфекциясын диагностикалау, емдеу және алдын алудың өзекті мәселелері болды. Дәрігерлер мен медбикелер өз тәжірибелеріндегі күрделі жағдайларға қатысты сұрақтар қоюға мүмкіндік алды және АИТВ-позитивті науқастармен жұмысты жақсарту бойынша ұсыныстар алды.
