«Казцинктің» мырыш және қорғасын өндірістерінің денсаулық сақтау пункттерінде Шығыс Қазақстан облысының ЖИТС алдын алу және күрес жөніндегі орталығы ұйымдастырған «Өз мәртебеңді біл»акциясы өтті. Акция АИТВ-инфекциясының алдын алуға және ерте анықтауға бағытталған. Кәсіпорын қызметкерлері АИТВ-ға жұмыс орнында қан тапсыруға мүмкіндік алды, бұл көптеген адамдарға өндірістік міндеттерден қол үзбей өз мәртебесін білуге мүмкіндік берді.
ЖИТС орталығының эпидемиолог-дәрігері Аукенова Аяулым – іс-шараның мақсаты инфекцияны анықтау ғана емес, сонымен қатар қызметкерлердің АИТВ туралы білім деңгейін көтеру және тұрақты тестілеудің маңыздылығын арттыру екенін айтты. Қазіргі жағдайда, инфекция ұзақ уақыт бойы асимптоматикалық болуы мүмкін, уақтылы тексеру өте маңызды болады. Сіздің мәртебеңізді білу Сізге қажетті емдеуді бастауға мүмкіндік береді және инфекцияның одан әрі таралуына жол бермейді.
Кәсіпорын өкілдерінің айтуынша, мұндай акциялар қызметкерлердің денсаулығын қолдау бойынша «Казцинктің» кең бағдарламасының бөлігі болып табылады. Тұрақты медициналық тексерулер, ақпараттық науқандар және кәсіби медициналық көмекке қол жеткізу осы бағдарламаның маңызды элементтері болып табылады.
«Өз мәртебеңді біл» акциясы қызметкерлер арасында оң жауап алды. Көптеген адамдар бұл форматтың ыңғайлылығын атап өтті — бос уақытында медициналық мекемелерге бармай-ақ тексеруден өту мүмкіндігің бағалады. Жұмысшылар сонымен қатар олардың денсаулығына қамқорлық пен көңіл бөлгені үшін алғыс білдіріп, бұл жұмыс орнында қауіпсіз және жайлы жағдай жасауға ықпал ететінін атап өтті.
Мұндай акциялар қызметкерлердің денсаулығын нығайтуға ықпал етіп қана қоймайды, сонымен қатар олардың жеке қауіпсіздік пен алдын-алудың негізгі аспектілері туралы хабардар болуын арттырады.
