Шығыс Қазақстан облыстық ЖИТС орталығының мамандары №2 қалалық емханада мониторингтік жұмыс жүргізді. Негізгі мақсат – қызметкерлерге кеңес беру және өткен жылғы тексеру барысында анықталған кемшіліктердің түзетілгенін бағалау.
Жұмыс барысында мамандар медициналық құжаттарды, АИТВ-ға тестілеу ұйымдастырылуын, пациенттердің тар мамандарға қаралуын және қан алу кабинеттерінің жұмысын тексерді.
Тексеру қорытындысы бойынша медицина қызметкерлеріне арналған семинар өтті. Іс-шара барысында АИТВ инфекциясының алдын алу және диагностикалаудың өзекті мәселелері, сондай-ақ қызмет көрсету сапасын жақсарту жолдары талқыланды. ЖИТС орталығының мамандары жұмысты одан әрі жетілдіру бойынша ұсыныстар берді.
