25 ақпанда Экономика және техника колледжінде бірінші курс студенттері үшін АИТВ-ның алдын алу тақырыбында лекция өтті. Іс-шараның негізгі мақсаты – студенттердің адам иммун тапшылығы вирусы (АИТВ) туралы білімін арттырып, оның жұғу жолдары мен қорғану әдістері жайлы ақпарат беру.
Лекция барысында мамандар АИТВ-ның таралуы туралы ең маңызды мәселелерді қозғап, оны жұқтырмаудың жолдарын түсіндірді. Сонымен қатар, АИТВ туралы кең таралған мифтерге тоқталып, олардың шынайы ақпаратқа сәйкес келмейтінін айтты. Тыңдаушыларға толыққанды ақпарат беру үшін презентация көрсетіліп, студенттер өздерін қызықтырған сұрақтарға жауап алды.
Лекция соңында қатысушыларға ақпараттық кітапшалар таратылды. Онда АИТВ-ның алдын алу шаралары мен тегін және анонимді тестілеуден өтуге болатын медициналық мекемелердің мекенжайлары көрсетілген.
Осындай іс-шаралар жастардың өз денсаулығына жауапкершілікпен қарауына ықпал етіп, қоғамда инфекцияның таралу қаупін азайтуға көмектеседі.
