29 тамыз 2024 жылы "Император" сауда үйінде және Арбатта ШҚО ЖИТС орталығы ұйымдастырған "Өз мәртебеңді біл" акциясы өтті.
Іс-шара қала тұрғындарының қызығушылығын тудырып, барлығына АИТВ-ға тегін тестілеуден өтуге бірегей мүмкіндік берді.
Акцияға қала тұрғындары, сауда орталығының қызметкерлері қатысып, өздерінің АИТВ-мәртебесін білуге және кеңес алуға мүмкіндік алды. Облыс орталығының тұрғындарының емханада немесе әдейі мекемелерде тестілеуден өтуге әрдайым уақыты бола бермейді. Сондықтан қатысушылар іс-шара туралы жылы лебіздерін білдіріп, акцияның өзектілігін атап өтті.
Жылжымалы тестілеу пунктінде толық қауіпсіздік пен құпиялылық жағдайында талдау жүргізуді қамтамасыз ете отырып, кәсіби медициналық мамандар жұмыс істеді. Іс-шараны ұйымдастырушылар АИТВ-ға тұрақты тестілеу инфекцияның таралуына қарсы күресте шешуші рөл атқаратынын атап өтті. АИТВ-инфекциясын ерте анықтау пациенттерге уақтылы медициналық көмек алуға мүмкіндік береді және аурудың болжамын айтарлықтай жақсартады.
"Өз мәртебеңді біл" акциясы халықтың өз денсаулығына қамқорлық жасау қажеттілігі туралы хабардарлығын арттырудағы маңызды қадам болды. Ұйымдастырушылардың айтуынша, мұндай іс-шаралар АИТВ-мен байланысты стереотиптерді жоюға көмектеседі және адамдарды тұрақты тестілеуге ынталандырады.
