Қабанбай батыр көшесі, 91 мекенжайында орналасқан ЦентрКредит банкінің бөлімшесінде ШҚО ЖИТС-тің алдын алу және күрес жөніндегі орталық ұйымдастырған «Өз мәртебеңді біл» атты акция өтті. Іс-шара аясында орталық мамандары банк қызметкерлері мен келушілері үшін АИТВ-ға тегін тестілеу өткізді.
Акцияның негізгі мақсаты - халықтың АИТВ-инфекциясы және тұрақты тестілеудің маңыздылығы туралы хабардарлығын арттыру болды. Акция барысында барлық ниет білдірушілер АИТВ-ға тестілеуден өте алды.
