2024 жылдың 29 қазан күні Катонқарағай ауданының №2 аудандық ауруханасында Шығыс Қазақстан облыстық ЖИТС-тың алдын алу және оған қарсы күрес орталығының ұйымдастыруымен мониторинг және семинар өтті. Іс-шараның негізгі мақсаты медицина қызметкерлерінің АИТВ-инфекциясының алдын алу мен емдеудің заманауи әдістері туралы хабардарлық деңгейін арттыру, сондай-ақ пациенттерге көрсетілетін қызметтердің сапасын жақсарту болды.
Мониторинг барысында ЖИТС орталығының мамандары АИТВ-ның алдын алу және инфекциялық қауіпсіздік стандарттарына ерекше назар аудара отырып, аурухана жұмысының қолданыстағы жүйесіне талдау жүргізді. Мекеменің мықты жақтары анықталды және назар аударуға қажет ететін аймақтар белгіленді.
Іс-шара аясында өткен семинар, медицина қызметкерлеріне АИТВ-инфекциясын диагностикалау мен алдын алудың жаңа тәсілдері туралы білуге, тәжірибе алмасуға және сарапшыларға сұрақтар қоюға мүмкіндік берді. Қатысушыларға АИТВ-ны емдеудің заманауи әдістері, сондай-ақ ауруды ерте анықтау мен алдын алудың маңыздылығы туралы айтылды.
Мұндай іс-шараларды өткізу медицина қызметкерлерінің кәсіби деңгейін арттыруға ықпал етеді, бұл медициналық көмектің сапасына әсер етеді және Шығыс Қазақстан облысында АИТВ-мен сырқаттанушылық деңгейін төмендетуге көмектеседі.
