Жұмыс сапары аясында 22 қазанда Шығыс Қазақстан облыстық ЖИТС орталығының мониторингтік тобы Риддер қаласы бойынша психиатриялық және наркологиялық қызмет бөліміне барды. Сапардың мақсаты АИТВ қаупі бар науқастармен жұмысты ұйымдастыруды бағалау және инфекцияның алдын алу және емдеу бойынша жұмыс үйлестіру болды.
Орталық мамандары психиатриялық және наркологиялық қызметтің тәжірибесімен танысты, нашақорлықпен ауыратын адамдар арасында АИТВ инфекциясын ерте анықтау мәселелерін қозғады, сондай-ақ мұндай пациенттерді кешенді қолдау әдістерін талқылады. Сапар барысында медициналық көмек көрсету және профилактикалық қызмет көрсету стандарттарының сақталуына тексеру жүргізілді.
Медициналық-әлеуметтік көмектің сапасын жақсарту, денсаулық сақтаудың әртүрлі құрылымдары арасындағы ынтымақтастық және халықтың осал топтарымен жұмыс істеу саласында медицина қызметкерлерінің біліктілігін арттыру мәселелеріне ерекше назар аударылды.
