Шығыс Қазақстан облыстық қан орталығында ШҚО ЖИТС-тың алдын алу және онымен күрес орталығы мамандарының мониторингтік сапары өтті. Сапардың мақсаты — донорларды тексеру сапасын, санитарлық-эпидемиологиялық талаптардың сақталуын бағалау және мекемелер арасындағы тәжірибе алмасу.
Сапар барысында ЖИТС орталығының мамандары қан орталығының процедуралық кабинеттерін және донорларды тексеру зертханаларын қарап шықты. Экспресс-тестілеу процесіне ерекше назар аударылды: ЖИТС орталығының зертханашысы қан алу және инфекцияларды жедел анықтау әдісін тәжірибе жүзінде көрсетті.
Сонымен қатар, мамандар мекеменің құжаттарын тексеріп, есеп журналдарының жүргізілуін және ережелердің сақталуын бақылап шықты. Тексеру нәтижелері бойынша бірқатар процестерді жетілдіруге қатысты ұсыныстар берілді.
Сапар аясында қан орталығының медициналық қызметкерлері үшін оқыту семинары өткізілді. Қатысушыларға АИТВ-ның алдын алу, диагностика және донорлармен жұмыс істеу әдебі бойынша өзекті ақпараттар ұсынылды.
Мұндай сапарлар медициналық қызмет сапасын арттыруға және аймақтағы денсаулық сақтау мекемелері арасындағы ынтымақтастықты нығайтуға ықпал етеді.
