№26 орта мектебінде АИТВ инфекциясының алдын алу тақырыбында дәріс өткізілді. Аталған іс-шараны ЖИТС-тің алдын алу және оған қарсы күрес орталығының эпидемиолог-дәрігері Амирова Аяжан жүргізді.
Дәріс барысында оқушыларға адам иммун тапшылығы вирусының (АИТВ) жұғу жолдары, одан қорғану тәсілдері, ерте диагностиканың және тұрақты түрде тестілеуден өтудің маңыздылығы түсіндірілді. Сондай-ақ, АИТВ туралы кең таралған жалған түсініктерге тоқталып, вируспен өмір сүретін адамдарға деген төзімділік пен сыйластықты қалыптастыру қажеттігі айтылды.
Амирова Аяжан бұл тақырып бойынша ақпараттандыру неге маңызды екенін және әрбір адамның АИТВ-ның алдын алуға қалай үлес қоса алатынын түсіндіріп өтті. Оқушылар белсенді түрде сұрақ қойып, пікір алмасуға қатысып, ақпараттық буклеттерге ие болды.
Осындай дәрістер жастардың денсаулығына жауапкершілікпен қарауына және дұрыс шешім қабылдауына ықпал етеді.
