2025 жылғы 12–16 мамыр аралығында Қазақстан Республикасында Репродуктивті денсаулық апталығы өтуде. Бұл апталықтың мақсаты — халықтың, әсіресе жастардың репродуктивті денсаулығын сақтау, отбасын жоспарлау және жыныстық жолмен берілетін инфекциялардың (ЖЖБИ), соның ішінде АИТВ-ның алдын алу бойынша ақпараттық-ағартушылық жұмыстарды күшейту.

2025 жылғы 13 мамырда Шығыс Қазақстан облысының Шемонаиха аудандық ауруханасының мәжіліс залында медицина қызметкерлеріне арналған семинар өтті. Іс-шараны ШҚО ЖИТС-тың алдын алу және оған қарсы күрес жөніндегі облыстық орталығы ұйымдастырды. Семинарда АИТВ инфекциясының алдын алу, диагностикасы мен емдеудің өзекті мәселелері қарастырылды.

Семинар барысында қатысушыларға 2025 жылғы 31 наурыздағы жағдай бойынша өңірдегі АИТВ инфекциясының эпидемиологиялық жағдайы таныстырылды. Эпидемиолог-дәрігер Нүрпейісова Г.К. инфекцияның таралу көрсеткіштері туралы баяндама жасады.

Шемонаиха аудандық ауруханасында Шығыс Қазақстан облыстық ЖИТС орталығының мониторинг тобы  жұмысын жүргізді. Қызметтің басты мақсаты – АИТВ инфекциясының алдын алу, диагностикалау және емдеу шараларына әмбебап қолжетімділікті қамтамасыз ету.

Мамандар құжаттаманы зерттеп, көрсетілетін медициналық қызметтердің сапасына баға беріп, аурухана қызметкерлеріне әдістемелік және практикалық көмек көрсетті. Медициналық қызметкерлерге шұғыл жағдайларда қан алу кезінде АИТВ-ға экспресс-тест жүргізу тәсілдері практикада үйретілді.

АИТВ/ЖИТС пен жыныстық жолмен берілетін инфекциялардың (ЖЖБИ) алдын алу мақсатында Шығыс Қазақстан облыстық ЖИТС-тің алдын алу және оған қарсы күрес орталығының мамандары Шемонаиха ауданындағы Шәкәрім атындағы №4 орта мектепте оқушыларға арнап ақпараттық-түсіндіру дәрісін өткізді.

Іс-шара Шемонаиха ауданы білім беру бөлімімен бірлесе ұйымдастырылды. Дәрістің негізгі мақсаты – жастардың АИТВ инфекциясының жұғу жолдары мен алдын алу шаралары туралы білімін арттыру, өз денсаулығына жауапкершілікпен қарауға тәрбиелеу.

Халықаралық АИТВ-ден қайтыс болғандарды еске алу күні аясында Шығыс Қазақстан облысы Шемонаиха ауданы Половинка ауылында орналасқан 18-ші түзеу мекемесінде сотталғандар үшін ақпараттық-түсіндіру дәрісі өткізілді. Іс-шараға ШҚО ЖИТС-тың алдын алу және оған қарсы күрес орталығының өкілі, эпидемиолог дәрігер Аяулым Аукенова қатысты.

Кездесудің басты мақсаты – сотталғандардың АИТВ инфекциясы туралы білімін арттыру, жұғу жолдары мен алдын алу шаралары, дер кезінде тестілеу мен антиретровирустық терапияны бастау маңыздылығы туралы ақпарат беру болды.

12 мамыр күні Шемонаиха ауданының Половинка ауылына ЖИТС-тің алдын алу орталығының көшпелі мамандар тобы барып, медицина қызметкерлері мен 18-мекеме қызметкерлеріне оқыту дәрісін өткізді. Спикерлер — Нұрпейісова Г.К., Волкова Г.В. және Әукенова А.Е. — экспресс-тестілеу жүргізу, төтенше жағдайлар кезінде әрекет ету алгоритмдері және шұғыл алдын алу шаралары жөніндегі мәселелерді жан-жақты түсіндірді.

Халықаралық мейірбике күніне орай Халықтар достығы үйінде облыстың мейірбикелеріне арналған салтанатты іс-шара өтті. Бұл күн күнделікті адамдардың денсаулығы мен үмітін сақтауға үлес қосатын жандарға деген алғыс пен құрметтің көрінісіне айналды.

Сахнада жүрекке жылы сөздер айтылып, алғыс хаттар мен грамоталар табысталды. Марапатталғандардың қатарында ЖИТС-тың алдын алу және онымен күрес орталығының қызметкерлері де бар:
Габитова Анаргүл Бақытбекқызы,
Турарова Юлия Юрьевна,
Барон Ирина Викторовна.

Кездесудің басты мақсаты – оқушыларға АИТВ/ЖИТС туралы ғылыми әрі нақты ақпарат беру, жалған түсініктерді жою және жастар арасында жауапкершілік сезімін қалыптастыру.

Өз сөзінде эпидемиолог-дәрігер Аяулым Аукенова АИТВ инфекциясының таралу жолдары, одан қорғану әдістері және уақытылы тестілеудің маңыздылығы туралы ашық әрі түсінікті тілмен айтып берді.

"Денсаулық" дәрігерлік амбулаториясының базасында АИТВ-инфекциясының алдын алуға арналған қалалық емханалар мен стационарлардың эпидемиолог-дәрігерлеріне арналған оқыту семинары өтті. Іс-шараға Өскемен қаласының медициналық мекемелерінің мамандары, сондай-ақ ЖИТС алдын алу және оған қарсы күрес орталығының өкілдері қатысты.

Шығыс Қазақстан облыстық қан орталығында ШҚО ЖИТС-тың алдын алу және онымен күрес орталығы мамандарының мониторингтік сапары өтті. Сапардың мақсаты — донорларды тексеру сапасын, санитарлық-эпидемиологиялық талаптардың сақталуын бағалау және мекемелер арасындағы тәжірибе алмасу.

Сапар барысында ЖИТС орталығының мамандары қан орталығының процедуралық кабинеттерін және донорларды тексеру зертханаларын қарап шықты. Экспресс-тестілеу процесіне ерекше назар аударылды: ЖИТС орталығының зертханашысы қан алу және инфекцияларды жедел анықтау әдісін тәжірибе жүзінде көрсетті.